باعدارلاما اياسىندا اتالعان وقۋ ورنىنىڭ 20 ستۋدەنتى كوكشەتاۋ, ريددەر جانە زىريان قالالارىنا كەلىپ, تاۋ-كەن وندىرىسىمەن جەتە تانىسىپ, بىلىمدەرىن تاجىريبەمەن ۇشتاستىرىپ قايتتى.
ەلباسى قازان ايىنداعى جولداۋىندا ەلىمىزدىڭ ءبىلىم سالاسى جاڭارتۋدى قاجەت ەتەتىندىگىنە توقتالىپ, ءبىلىم ساپاسىن كوتەرىپ, تۇلەكتەردىڭ جۇمىسقا ورنالاسۋىنا كوڭىل ءبولۋ كەرەكتىگىن ەرەكشە اتاپ وتكەن ەدى. «پرەزيدەنت ءبىلىم سالاسىنداعى تۇيتكىلدى ماسەلەلەردى ايتىپ قانا قويماي, ودان شىعۋدىڭ جولدارىن دا كورسەتتى. جولداۋ تۇتاستاي العاندا ءبىزدىڭ كومپانياعا, ونىڭ ءاربىر قىزمەتكەرىنە قاتىستى دەۋگە بولادى. جۇمىس بەرۋشى رەتىندە مەملەكەت باسشىسىنىڭ جوعارى وقۋ ورىندارىنداعى ءبىلىم ساپاسىن كوتەرۋ تۋرالى ايتقاندارىن تولىعىمەن قۇپتايمىز. ءوز جۇمىسىنا جەتىك, كاسىبي مامانداردى ازىرلەۋ ءىرى كومپانيالار ءۇشىن دە, ۋنيۆەرسيتەت ءۇشىن دە اسا ماڭىزدى. قازىرگى ۋاقىتتا جاستار زامان تالابىنا ساي تەحنيكالىق ءبىلىمدى كوبىرەك العاندارى ابزال. ءبىزدىڭ كاسىپورىن بۇل ىسكە بەلسەنە ارالاسىپ, نازارباەۆ ۋنيۆەرسيتەتپەن تىعىز ىنتىماقتاستىق ورناتتىق», دەيدى «قازتسينك» جشس اكىمشىلىك ماسەلەلەر جونىندەگى اتقارۋشى ديرەكتورى اندرەي لازارەۆ.
ءوندىرىستى ءوڭىر شىعىستا تاجىريبەدەن وتكەن 20 ستۋدەنتتىڭ ءبىرى – ورالدىق ايتولقىن يازيتوۆا. «ريددەردە العاش رەت بولدىم. ەرەكشە ءتانتى ەتكەنى, سۇلۋ تابيعات پەن مەيىرىمدى ادامدار. مەنى «قازتسينك-شاحتوسترويدىڭ» ماركشەيدەر ءبولىمىنىڭ قىزمەتكەرى اناستاسيا كۋزنەتسوۆاعا بەكىتتى. ول كىسى بارلىعىن مۇقيات ءتۇسىندىرىپ, سۇراقتارىما جاۋاپ بەردى. شاحتاعا وزىمەن بىرگە الىپ ءتۇسىپ, ماركشەيدەر جۇمىسىنىڭ ءمانى مەن ماڭىزىن, ەرەكشەلىكتەرىن جاقسىلاپ ايتىپ بەردى. تاجىريبە بارىسىندا وندىرىستەگى جۇمىس بارىسىن كوزبەن كورىپ, كەنشى ماماندىعىنىڭ قيىندىقتارى مەن قىزىقتى تۇستارىن سەزىنگەندەي بولدىم», دەيدى ول.
نازارباەۆ ۋنيۆەرسيتەتتىڭ «تاۋ-كەن ءىسى» باعدارلاماسىنىڭ ۇيلەستىرۋشىسى دانيار مالعاجدار ەلىمىزدەگى ىرگەلى ءوندىرىس ورىندارىمەن ىنتىماقتاستىقتى الداعى ۋاقىتتا دا جالعاستىرۋدى جوسپارلاپ وتىرعاندارىن ايتادى. «سالا كوشباسشىلارمەن بىرلەسە قولعا الىنعان مۇنداي جوبالار كەنشى ماماندارىنىڭ مارتەبەسىن جاڭا بەلەسكە كوتەرەدى. ويتكەنى بولاشاق جاس ماماندارعا زاماناۋي ءوندىرىستى ءوز كوزدەرىمەن كورۋگە مۇمكىندىك بار. ۋنيۆەرسيتەت ستۋدەنتتەرى تەك تاجىريبەدەن ءوتىپ قانا قويعان جوق, قالىپتاسقان, ۇلكەن ۇجىمنىڭ تىنىس-تىرشىلىگىمەن دە جاقىنىراق تانىستى», دەيدى ول.
ازامات قاسىم,
«ەگەمەن قازاقستان»
شىعىس قازاقستان وبلىسى
