مەملەكەتتىك حاتشى قازاقستان پرەزيدەنتىنىڭ حالىقارالىق قاقتىعىستاردى رەتتەۋ ىسىندەگى جەكە ۇلەسىنە توقتالىپ, «Astana Club» وتىرىسىنىڭ اياسىندا كوتەرگەن باستامالارى جونىندە ايتتى.
گ.ابدىقالىقوۆا البانيا دەلەگاتسياسىن قازاقستاندا بيزنەس جۇرگىزۋگە قولايلى جاعدايلار جاسالعانى, سونىمەن قاتار «استانا» حالىقارالىق قارجى ورتالىعى اياسىندا ىنتىماقتاستىق ورناتۋ مۇمكىندىگى جونىندە حاباردار ەتتى. مەملەكەتتىك حاتشى ەلىمىزدىڭ Doing Business-2019 رەيتينگى بويىنشا 28-ءشى ورىندا ەكەنىن اتاپ ءوتتى.
سونداي-اق, مەملەكەتتىك حاتشى البانيادان كەلگەن سەرىكتەستەردى نازارباەۆ ۋنيۆەرسيتەتى جانىنداعى «استانا بيزنەس-كامپۋس» عىلىمي پاركى اۋماعىندا عىلىمي-زەرتتەۋ ينستيتۋتىن اشۋ جۇمىستارىنا اتسالىسۋعا شاقىردى.
كەزدەسۋ سوڭىندا قازاقستان رەسپۋبليكاسىنىڭ مەملەكەتتىك حاتشىسى گ.ابدىقالىقوۆا البانيا رەسپۋبليكاسىنىڭ ەۋروپا ىستەرى جانە سىرتقى ىستەر ءمينيسترى د.بۋشاتيگە ەكى جاقتى ىنتىماقتاستىقتى ودان ءارى نىعايتۋ جولىندا تابىس تىلەدى.
