ءىس شاراعا تۇركى كينوسىن دۇنيەجۇزىنە تانىتۋ قاۋىمداستىعىنىڭ توراعاسى, تۇركىمەن كينورەجيسسەرى, ستسەناريست جانە وپەراتور, كسرو مەملەكەتتىك سىيلىعىنىڭ لاۋرەاتى, تۇرىكمەن سسر-ءنىڭ حالىق ءارتىسى. - حودجاكۋلي نارليەۆ; تۇركى الەمى جۋرناليستەرى فەدەراتسياسىنىڭ پرەزيدەنتى - مەندەرەس دەمير; «حابار اگەنتتىگى» اق «ەل ارنا» كانالىنىڭ ديرەكتورى - سەيتمامىت ارمان; «حابار اگەنتتىگىنىڭ» باس رەداكتورى - حاسەنوۆا كۋليمحان; تاجىكستان كينەماتوگرافيستەر وداعىنىڭ توراعاسى - سافار حاكدودوۆ; سوۆەت كينورەجيسسەرى جانە ستسەناريست - الي حامراەۆ; سوۆەت رەجيسسەرى, اكتەر, ستسەناريست, پروديۋسەر - وكتاي مير-كاسيموۆ, شاكەن ايمانوۆ كينوفەستيۆالىنىڭ باس ديرەكتورى ەرمەك تۇرسىنوۆ جانە حالىقارالىق كينوفەستيۆالداردىڭ وكىلدەرى قاتىستى. دوڭگەلەك ۇستەلدى پروديۋسەر, NETPAK مۇشەسى, الەمدەگى تۇركى كينوسى قاۋىمداستىعىنىڭ اتقارۋشى كوميتەتىنىڭ مۇشەسى كانات تورەباي جۇرگىزدى.
كەزدەسۋدى شاكەن ايمانوۆ كينوفەستيۆالىنىڭ باس ديرەكتورى ەرمەك تۇرسىنوۆ اشىپ, جينالعان قوناقتاردىڭ جۇمىسىنا ساتتىلىك تىلەدى. سودان سوڭ ءسوز العان تۇركى كينوسىن دۇنيەجۇزىنە تانىتۋ قاۋىمداستىعىنىڭ توراعاسى حودجاكۋلي نارليەۆ قازىرگى زامانداعى تۇركى ەلدەرىنىڭ كينوماتوگرافىنىڭ جاعدايى تۋرالى ءسوز ەتىپ, ونى ارى قاراي الەمگە تاراتۋدا قانداي قيىندىقتار كەزدەسەتىنى تۋرالى ايتىپ كەتتى. تۇركى الەمى جۋرناليستەرى فەدەراتسياسىنىڭ پرەزيدەنتى - مەندەرەس دەمير كينەماتوگرافيا سالاسىندا ىنتىماقتاستىقتى دامىتۋ ءۇشىن ەڭ باستى كەدەرگى ورتاق ءتىلدىڭ جوقتىعىنا توقتالدى.
سونىمەن بىرگە «حابار اگەنتتىگى» اق «ەل ارنا» كانالىنىڭ ديرەكتورى - سەيتمامىت ارمان «ورتالىق ازيا مەن تۇركى الەمى ەلدەرىنىڭ ەفيرگە شىعاتىن فيلمدەرى: جاعدايى جانە پەرسپەكتيۆاسى» تۋرالى ايتىپ, قازاق تەلەارنالارى تۇركى الەمىنىڭ كينوسىن كورسەتۋگە دايىن ەكەندىگىن ايتتى.
ء«بىزدىڭ قاۋىمداستىق تۇركى الەمىنىڭ كينوسىن دۇنيەجۇزىنە تاراتۋ بويىنشا كوپ جۇمىس اتقارۋدا. ءبىز ىنتىماقتاستىققا ارقاشان دايىنبىز جانە تۇركى كينوسىن الەمدىك دەڭگەيگە شىعارعىمىز كەلەدى. سوندىقتان دا ءبىز بۇگىنگى كەزدەسۋگە قازاق تەلەارناسىنىڭ قاتىسىپ وتىرعانىنا وتە قۋانىشتىمىز. ورتاق كەلىسىمگە كەلەمىز دەپ سەنەمىن», - دەدى حودجاكۋلي نارليەۆ.
«ەل ارنا» تەك قازاق كينوسىن كورسەتەدى, بىراق وسى جىلدىڭ كۇزىنەن باستاپ ءبىز ورتالىق ازيانىڭ ۇزدىك كينولارىن كورسەتە باستادىق. تاجىكىستانمەن تەز كەلىسىمگە كەلدىك, ولاردىڭ كينوسىن كورسەتۋدەمىز. ەندى بىزگە باسقا دا تۇركى الەمى ەلدەرىمەن ىنتىماقساتىق ورناتۋ قاجەت. سول سەبەپتى دە مەن وسىندا كەلگەنىمە قۋانىشتىمىن. ءبىز بىرىگىپ جۇمىس ىستەۋگە جانە تۇركى الەمى ەلدەرىنىڭ كينوسىن قازاق تەلەارناسىندا كورسەتۋگە دايىنبىز», دەدى ارمان سەيتمامىت.
كەزدەسۋدىڭ سوڭىندا ش.ايمانوۆ اتىنداعى كينوفەستيۆال مەن حالىقارالىق كينوفەستيۆالدەردىڭ وكىلدەرى: ء«ۇمىت» تمد ەلدەرىندەگى جاستار كينو فورۋمى, «حالىقارالىق ازيا كينوفەستيۆالى», «ديدور» حالىقارالىق كينوفەستيۆالى, «حالىقارالىق قازان مۇسىلمان كينوفەستيۆالى» جانە «تۇركى ەلدەرىنىڭ دەرەكتى فيلمدەر فەستيۆالى» اراسىندا ىنتىماقتاستىق تۋرالى كەلىسىمگە قول قويىلدى.
