بۇل مىندەتتەر مەن شارالار بارشا قازاقستاندىقتىڭ ءومىر ءسۇرۋ ساپاسى مەن تۇرمىستىق جاعدايىن ارتتىرۋعا باعىتتالعان. پرەزيدەنت ەلدى جاڭعىرتۋ ۇدەرىسىندە ەشقانداي كەدەرگى بولماۋى ءتيىس دەپ ەسەپتەيدى. كەرىسىنشە, ءاربىر قازاقستاندىق العا قويىلعان مىندەتتەردىڭ جۇزەگە اسۋىنا ءوز ۇلەسىن قوسا وتىرىپ, ونىڭ يگىلىكتەرىن سەزىنە ءبىلۋى كەرەك. ناقتىلاي ايتقاندا, قوعامنىڭ بارلىق مۇشەلەرى مەملەكەتتىك قولداۋدىڭ ارقاسىندا ءوز ومىرلەرىن جاقسارتىپ قانا قويماي, ەلدى دامىتۋ شارالارىنا اتسالىسقانى ابزال.
جالپى, جولداۋدا حالىقتىڭ ءومىر ءسۇرۋ ساپاسىن جاقسارتۋ, قاۋىپسىز ءارى جايلى قوعام قالىپتاستىرۋ, ازاماتتاردىڭ سۇرانىسىنا بەيىمدەلگەن مەملەكەتتىك اپپارات قۇرۋ, باسقارۋدى وڭتايلاندىرۋ, ءبىلىم بەرۋ ينفراقۇرىلىمىن جانە باسقا دا سالالاردى كاسىبي تۇرعىدا جەتىلدىرۋ ارقىلى قازاقستاندى باسەكەگە قابىلەتتى مەملەكەت رەتىندە دامىتۋ كوزدەلگەن.
گەرمانياداعى قازاق-نەمىس قوعامىنىڭ توراعاسى رەتىندە مەن قازاق حالقىنىڭ ءومىر ءسۇرۋ ساپاسىن جاقسارتۋ باعىتىنداعى شارالاردى بارىنشا قولدايمىن. وسى ورايدا گەرمانيالىق كومپانيالار, كاسىپورىندار مەن قاۋىمداستىقتار قازاقستان اۋماعىندا جەمىستى ەڭبەك ەتىپ, ەلدىڭ دامۋىنا اتسالىسىپ كەلە جاتقانىن اتاپ وتكىم كەلەدى.
مەن پرەزيدەنت نۇرسۇلتان نازارباەۆ ۇسىنعان جولداۋدا كورسەتىلگەن مىندەتتەردىڭ بارلىعى قازاقستاندىقتاردىڭ يگىلىگى ءۇشىن جۇزەگە اسۋىن تىلەيمىن!
كارين شترەنتس,
بۋندەستاگ دەپۋتاتى, گەرمانياداعى قازاق-نەمىس قوعامىنىڭ توراعاسى
