فۋتبول • 09 قاراشا، 2018

«استانا» ەۋروپانىڭ توپ-50 كومانداسىنىڭ قاتارىنا كىردى

190 رەتكورسەتىلدى

ەۋروپا ليگاسىنىڭ توپتىق كەزەڭىنىڭ ءتورتىنشى تۋرىندا «استانا» چەحيانىڭ «يابلونەتس» كومانداسىن 2:1 ەسەبىمەن جەڭدى.

گريگوري بابايان شاكىرتتەرى كەشەگى ماڭىزدى جەڭىستەن سوڭ ۋەفا كلۋبتىق رەيتينگىندە جوعارىلاۋعا مۇمكىندىك الدى. 27،500 ۇپايى بار «استانا» كومانداسى رەيتينگتە 50-ورىنعا كوتەرىلدى. ەلوردا كلۋبى بۇل كورسەتكىشپەن چەحيانىڭ «ۆيكتوريۋ پلزەن» (27،000) كلۋبىنان الدا تۇرسا، 28،500 ۇپاي بار تۇركيانىڭ «فەنەرباحچە» كومانداسىنان ءبىر ساتى تومەن تۇر.

ەۋروپا ليگاسىنىڭ ءتورتىنشى تۋرىنان كەيىن «استانا» «ك» توبىندا «دينامومەن» (ۋكراينا) بىردەي ۇپاي جيناپ (8 ۇپاي) ءبىرىنشى جانە ەكىنشى ورىندى ءبولىسىپ تۇر. فرانتسيانىڭ «رەنن» كومانداسى ءۇش ۇپايمەن ءۇشىنشى، «يابلونەتس» ەكى ۇپايمەن سوڭعى ورىندا كەلەدى.

«استانا» كلۋبى ەۋروپا ليگاسىنداعى كەلەسى كەزدەسۋىن 29 قاراشا كۇنى استانادا ۋكراينانىڭ «ديناموسىمەن» وتكىزەدى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار