اقپاراتتىق لاگەردە 7 سەكتسيا جۇمىس ىستەپ جاتىر. وعان ەلىمىزگە بەلگىلى ساياساتتانۋشىلار مەن بلوگەرلەر ساياسات نۇربەك, تالعات قاليەۆ, بەرىك ابدىعالي, وركەن كەنجەبەك, «اتامەكەن» جوباسىنىڭ اكىمگەرى ايان ءتاجىباي, جاس كاسىپكەرلەر ءادىل ەگەمبەرديەۆ, ەرالى بىلەش, جاستار ۇيىمدارىنىڭ جەتەكشىلەرى توقتار بولىسوۆ پەن دانيار سۇندەتباەۆ شاقىرىلدى.
سەكتسيالاردا قارقىنى كۇشتى باسەكە مەن جاھاندانۋ زامانىندا جاستار كەزىگىپ وتىرعان مادەني قۇندىلىقتار مەن مۇرالاردى ساقتاۋ, الەۋمەتتىك جەلىلەردەگى اعىمدار, ءبىلىم الۋ سالاسىنداعى جاڭا ترەندتەر, تاعى دا باسقا جاستار ءۇشىن وزەكتى ماسەلەلەر ورتاعا سالىندى. ولار تۋرالى جاستارعا بارىنشا اقپاراتتار بەرىلدى.
«بۇل قوستانايدا تۇڭعىش رەت وسىنداي فورماتتا ءوتىپ جاتقان اقپاراتتىق لاگەردە تسيفرلاندىرۋ اياسىندا بولىپ جاتقان وزگەرىستەرمەن جاستاردى تانىستىرۋدى ماقسات ەتتىم. تسيفرلاندىرۋعا بايلانىستى جاڭا تەحنولوگيالار, ينتەرنەتتىك بۇيىمدار, ءتۇرلى ۇعىمدار ومىرگە ەنىپ جاتىر. سولاردى جاستار قالاي قولدانۋى كەرەك دەگەن ماسەلە كۇن تارتىبىندە تۇر. جاستار اقپاراتقا شولدەپ جۇرەدى, سوندىقتان وسى سەكىلدى شارالار ءجيى ۇيىمداستىرىلۋى قاجەت. بۇگىندە ەڭبەك نارىعى, ءبىلىم نارىعى قالاي وزگەرۋدە, جاستارعا نەنى وقۋ كەرەك, قاي باعىتتا جۇمىس ىستەۋ كەرەك دەگەن ماسەلەلەردى بىلگەنى وتە دۇرىس. ادەتتە قازاقستاننىڭ سولتۇستىگىندەگى جاستار وڭتۇستىك جانە باتىس وڭىرلەرىنە قاراعاندا سامارقاۋ, بەلسەندىلىگى بولا بەرمەيتىن. وسى جولى ولاردىڭ بەلسەندىلىگىنە كۋا بولىپ, قۋانىپ وتىرمىز» دەدى ساياساتتانۋشى ساياسات نۇربەك.
جاستاردىڭ اقپاراتتىق لاگەرى بۇگىن جانە ەرتەڭ جالعاسادى.
ءنازيرا جارىمبەت,
«ەگەمەن قازاقستان»
قوستاناي
