ەلباسى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى حالىققا جولداۋىندا مەملەكەتتىك-الەۋمەتتىك ساياساتتىڭ جاڭا ۇستانىمدارىن جاريالادى. جىل سايىن حالىقتىڭ الەۋمەتتىك ءالجۋاز توپتارىنا جان-جاقتى قولداۋ كورسەتىلىپ كەلەدى. مۇقتاج ازاماتتارعا مەملەكەت پەن قوعام تاراپىنان كەڭ كولەمدى قولداۋ بار. بۇل ماسەلەگە اتىراۋ ايماعىندا دا باسا نازار اۋدارىلادى.
اتاپ ايتاتىن بولساق, جىل باسىنان بەرى وبلىستاعى جان باسىنا شاققانداعى ورتاشا تابىسى كەدەيلىك شەگىنەن تومەن تۇراتىن 1732 وتباسىنداعى 9374 ازاماتقا 317 ملن تەڭگە مولشەرىندە جاڭا فورماتتاعى اتاۋلى الەۋمەتتىك كومەك بەرىلدى. شارتتى اقشالاي كومەك الۋشىلاردىڭ اراسىنان 930 ادام جۇمىسپەن قامتۋ شارالارىنا تارتىلدى. از قامتىلعان 743 وتباسى كوممۋنالدىق قىزمەتتەردى تۇتىنۋعا جۇمسالعان شىعىندارىن وتەۋ ماقساتىندا 28,4 ملن تەڭگە كولەمىندە تۇرعىن ءۇي كومەگىن الدى. مۇنىڭ ءبارى ەلباسى جولداۋىندا ايتىلعانداي, مەملەكەت پەن ادامداردىڭ كۇش بىرىكتىرۋىنىڭ ارقاسىندا عانا جالپىعا ورتاق ەڭبەك قوعامىن قۇرا الاتىنىمىزدى انىق كورسەتەدى. ول ءۇشىن كەرەك العىشارتتاردىڭ ءبارى بىزدە بار.
از قامتىلعان وتباسىلارىنا بىرجولعى الەۋمەتتىك كومەك كورسەتۋ باعىتىندا 1285 وتباسىعا 87,1 ملن تەڭگەنىڭ كومەگى بەرىلدى. تۋبەركۋلەز دەرتىنە شالدىققان, امبۋلاتوريالىق دەڭگەيدە ەم الىپ جۇرگەن 1017 ادامعا 118,5 ملن تەڭگە الەۋمەتتىك كومەك كورسەتىلدى. سونداي-اق ازعىر پوليگون اۋماعىندا تۇراتىن 242 مۇگەدەك ادامعا 6,4 ملن تەڭگە اي سايىنعى الەۋمەتتىك كومەك بەرىلدى.
ەلباسى نۇرسۇلتان نازارباەۆ «مەملەكەت پەن بيزنەستىڭ الەۋمەتتىك جاۋاپكەرشىلىگىن قالىپتاستىرۋ – تۇراقتى دامۋ شارتتارىنىڭ ءبىرى» دەپ اتاپ ايتقان بولاتىن. الەۋمەتتىك جاۋاپكەرشىلىك قاعيدالارى نەگىزىندە از قامتىلعان, قوعام تاراپىنان قولداۋعا مۇقتاج ازاماتتارعا كاسىپكەرلەر دە قولۇشىن سوزىپ وتىرادى, مۇنىڭ ءوزى قوعامىمىزدىڭ ءبىرتۇتاس دامۋىنىڭ كەپىلى دەۋىمىز كەرەك. از قامتىلعان ازاماتتارعا مۇمكىندىگىنشە قولداۋ كورسەتۋگە جەرگىلىكتى بيزنەس وكىلدەرى بەلسەنە ات سالىسىپ ءجۇر.
اتاپ ايتقاندا, حالىقتى الەۋمەتتىك قورعاۋ ورگاندارىنىڭ ۇيىمداستىرۋىمەن وتكەن جىلدىڭ توعىز ايىندا وبلىس كاسىپكەرلەرى 133 ساۋدا نۇكتەسى ارقىلى 2767 ادامنان تۇراتىن 692 از قامتىلعان وتباسىن ارزانداتىلعان باعامەن 6,9 ملن تەڭگەنىڭ ازىق-ت ۇلىك, كيىم-كەشەك, مەكتەپ قۇرالدارى تاۋارلارىمەن قامتاماسىز ەتتى. سونىمەن قاتار بيزنەستىڭ الەۋمەتتىك جاۋاپكەرشىلىگى اياسىندا وبلىستىق اكىمدىكتىڭ باستاماسىمەن كوممۋنالدىق قىزمەتتەر كورسەتەتىن «اتىراۋەنەرگوساتۋ», «اتىراۋ جىلۋ ەلەكتر ورتالىعى», «اتىراۋ سۋ ارناسى», «اتىراۋ گاز ينۆەست» مەكەمەلەرى سياقتى جەرگىلىكتى مونوپوليست كاسىپورىندارمەن جاسالعان مەموراندۋمدار نەگىزىندە وبلىسىمىزداعى از قامتىلعان وتباسىلارىنا 40% مولشەرىندەگى جەڭىلدىكتەرمەن كوممۋنالدىق قىزمەتتەر كورسەتىلۋدە. اتالعان كاسىپورىندار وبلىسىمىزداعى از قامتىلعان 988 وتباسىنا جالپى سوماسى 3,2 ملن تەڭگە مولشەرىندەگى جەڭىلدىكتەرمەن كوممۋنالدىق قىزمەتتەر كورسەتتى.
جولداۋدا ەڭ تومەنگى جالاقى مولشەرى 1,5 ەسە وسەتىنى تۋرالى ايتىلدى, بۇل – 1 ميلليون 300 مىڭ ادامنىڭ تابىسى ارتادى دەگەن ءسوز. بيۋدجەتتىك مەكەمەلەردە جۇمىس ىستەيتىن 275 مىڭ قىزمەتكەردىڭ ەڭبەكاقىسى كوبەيىپ, ورتا ەسەپپەن 35 پايىزعا وسەدى. وسىنداي باسقا دا جاڭالىقتارىمەن ەلدى قۋانتقان ەلباسى جولداۋىنىڭ ءساتتى جۇزەگە اسارىنا سەنىم مول.
كوڭىلقوس ورىسباەۆ,
اتىراۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى
