ء«بىز باۋىرلاس قىرعىزستانمەن قارىم-قاتىناسقا ەرەكشە ءمان بەرىپ, ونى ستراتەگيالىق سەرىكتەس ءارى تاتۋ كورشى سانايمىز», دەدى كەزدەسۋدە ق.ءابدىراحمانوۆ.
تاراپتار وڭىرلىك كووپەراتسيا, شەكارالىق سەرىكتەستىك, سۋ-ەنەرگەتيكا سالاسى, ساۋدا-ەكونوميكالىق ىنتىماقتاستىق ماسەلەلەردىڭ كەڭ اۋقىمى بويىنشا پىكىر الماستى.
ء«بىزدىڭ باستى ماقساتىمىز – قازاقستان پرەزيدەنتى نۇرسۇلتان نازارباەۆ پەن قىرعىزستان پرەزيدەنتى سوورونباي جەەنبەكوۆ اراسىنداعى استانا جانە چولپان-اتادا قول جەتكىزىلگەن ۋاعدالاستىقتاردى جۇزەگە اسىرۋ. ءبىز پرەزيدەنتتەردىڭ كوپتەگەن تاپسىرمالارى ورىندالعانىنا جانە الداعى جوسپارلاردى جۇزەگە اسىرۋدا تاراپتاردىڭ بەلسەندى ءوزارا ءىس-قيمىلى جالعاساتىندىعىن قاناعاتتانۋشىلىقپەن اتاپ وتەمىز», دەدى قازاقستاندىق مينيستر. كەزدەسۋ بارىسىندا ءوزارا ساۋدا-ساتتىق كولەمىن ۇلعايتۋعا جانە ونىڭ قۇرىلىمىن ارتاراپتاندىرۋعا, ەكونوميكانىڭ جاڭا سەكتورلارىندا بىرلەسكەن ينۆەستيتسيالىق جوبالاردى ىسكە اسىرۋعا, سونىڭ ىشىندە «استانا» حالىقارالىق قارجى ورتالىعىندا پراكتيكالىق شارالاردى جۇزەگە اسىرۋعا قاتىستى ماسەلەلەر ايتىلدى. ەكى ەلدىڭ بيزنەس-قۇرىلىمدارى ءۇشىن ەلەكتروندى ساۋدا, قارجى قىزمەتتەرى, وڭدەۋ جانە ازىق-ت ۇلىك ونەركاسىبى, سونداي-اق تسيفرلى يندۋستريا سياقتى سالالاردا ءوزارا ءتيىمدى ىنتىماقتاستىقتى اشۋ بويىنشا جاڭا مۇمكىندىكتەر اشىلۋدا.
ەۋرازيا كەڭىستىگىندە بەيبىت-
شىلىك پەن تۇراقتىلىقتى نىعايتۋعا جاردەمدەسۋگە دەگەن ورتاق نيەت ايتىلدى. حالىقارالىق ساياساتتىڭ وزەكتى ماسەلەلەرى بويىنشا ۇقساس ۇستانىمداردى انىقتاي وتىرىپ, تاراپتار بۇۇ, شانحاي ىنتىماقتاستىق ۇيىمى, ۇجىمدىق قاۋىپسىزدىك تۋرالى شارت ۇيىمى, ەۋرازيالىق ەكونوميكالىق وداق, ازياداعى ءوزارا ءىس-قيمىل جانە سەنىم شارالارى جونىندەگى كەڭەس, تۇركى تىلدەس مەملەكەتتەردىڭ ىنتىماقتاستىق كەڭەسى, ەۋروپاداعى قاۋىپسىزدىك جانە ىنتىماقتاستىق ۇيىمى جانە باسقا دا كوپجاقتى قۇرىلىمدار شەڭبەرىندەگى ىنتىماقتاستىقتى جانداندىرۋ نيەتىن راستادى.
قازاقستاننىڭ ستاتيستيكالىق مالىمەتىنە سايكەس 2018 جىلدىڭ العاشقى جەتى ايىندا قازاقستان مەن قىرعىزستان اراسىنداعى ءوزارا ساۋدا كولەمى 18 پايىزعا ءوسىپ, 486 ملن اقش دوللارىن قۇرادى.
«ەگەمەن-اقپارات»
