قازاقتىڭ تەنور داۋىستى ءبىرتۋار ءانشىcى امىرە قاشاۋباەۆتىڭ عۇمىرىن باياندايتىن ءفيلمدى مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق «Dar Play» كومپانياسىمەن بىرلەسە تۇسىرگەن.
ايتا كەتسەك, فەستيۆالدىڭ العاشقى كەزەڭىندە Silver Screen Award جۇلدەسى ءۇشىن ءار ەلدىڭ بىرنەشە ءفيلمى ۇمىتكەر بولىپ, بايقاۋدا باق سىنادى. بۇل كەزەڭدە قازاقستان اتىنان التى بىردەي كينوتۋىندى – ءۇش تولىقمەتراجدى جانە ءۇش قىسقامەتراجدى فيلمدەر ۇسىنىلعان بولاتىن. «امىرە» كارتيناسىمەن قاتار ش.ايمانوۆ اتىنداعى «قازاقفيلم» كينوستۋدياسى جارىققا شىعارعان ءۇش فيلم باق سىنادى, ولار: تولىقمەتراجدى فيلمدەر بايقاۋىندا تولەگەن بايتوكەنوۆتىڭ «ساتاش» ءفيلمى جانە ەلجاس راقىمبەكوۆتىڭ «ەل فريمان» كارتيناسى بولسا, قىسقامەتراجدى فيلمدەر بولىمىنە بەرىك جاحانوۆتىڭ «اسان» ءفيلمى قاتىستى. فەستيۆالدە «امىرە» ءفيلمىن رەجيسسەر دجەفف ۆەسپا تانىستىردى.
– فەستيۆالدىڭ قاتىسۋشىلارى ءوز فيلمدەرىمەن ماقتانا الادى, ويتكەنى 2018 جىلدىڭ فيلمدەرى جوعارى دارەجەدە تۇسىرىلگەن, – دەدى Hollywood Film Festival پرەزيدەنتى برەد پاركس.
«بيىلعى جىلدىڭ كونكۋرسىندا ساپالى ءارى ساۋاتتى تۇسىرىلگەن تۋىندىلاردىڭ كوپ بولعانىن ەرەكشە اتاپ وتكىم كەلەدى. فەستيۆالدىڭ باس جۇلدەسىنە قول جەتكىزىپ, قازىلار القاسىنىڭ قۇرمەتىنە يە بولۋ – ۇلكەن جەتىستىك», – دەدى فەستيۆالدىڭ باعدارلامالار ديرەكتورى حولگەر كارلسسون.
ايگۇل احانبايقزى,
«ەگەمەن قازاقستان»
الماتى
