ليتۆا مەملەكەتىنىڭ قايتا قۇرىلۋىنىڭ 100-جىلدىق مەرەيتويىنا وراي پرەزيدەنت ن.نازارباەۆتىڭ قۇتتىقتاۋىن جەتكىزە وتىرىپ, ۆ.تەمىرباەۆ قازاقستان مەن ليتۆا اراسىنداعى سەنىمدى ارىپتەستىكتى جالعاستىراتىن جانە كوپتاراۋلى قازاقستاندىق-ليتۆالىق ىنتىماقتاستىقتى ودان ءارى دامىتاتىن استانانىڭ اينىماس باعىتىن اتاپ ءوتتى.
ليتۆا پرەزيدەنتى ءوز كەزەگىندە, 2011 ج. قازاقستانعا جاساعان ساپارىن جىلى لەبىزبەن ەسكە ءتۇسىرىپ, ليتۆالىق جاستاردى 2018 ج. جازدا قاراعاندى وبلىسىنا ەكسپەديتسياسىن وتكىزۋىنە وراي قازاقستاندىقتارعا العىسىن ءبىلدىردى.
كەزدەسۋ بارىسىندا تاراپتار, ەكىجاقتى قاتىناستار مەن حالىقارالىق پروبلەماتيكانىڭ وزەكتى ماسەلەلەرىن تالقىعا سالىپ, ترانزيتتىك-كولىكتىك الەۋەتتى ودان ءارى دامىتۋ, «جاڭا ەكونوميكا», اۋىل شارۋاشىلىعى, ءبىلىم بەرۋ مەن مەديتسينا سالالارىنداعى كەڭ اۋقىمدى پەرسپەكتيۆالارعا ءجىتى كوڭىل ءبولدى.
ليتۆا باسشىسى د. گريباۋسكايتە پرەزيدەنت ن. نازارباەۆتىڭ قازاقستاننىڭ سەرپىندى الەۋمەتتىك-ەكونوميكالىق تۇرلەنۋىندەگى جانە جاھاندىق قاۋىپسىزدىك قۇرىلىمىن نىعايتۋداعى ءرولىن جوعارى باعالادى.
د. گريباۋسكايتە ليتۆا تاراپىنىڭ ەكى مەملەكەت ءۇشىن باسىم سالالاردا قازاقستانمەن ىنتىماقتاستىقتى ودان ءارى ارتتىرا تۇسۋگە دايىن ەكەنىن قۇپتاپ ءوتتى.
