وقۋ كۋرس اياقتالعاننان كەيىن, «WAQYP» كورپوراتيۆتىك قايىرىمدىلىق قورى اربالاردى مۇگەدەكتەر قوعامدىق بىرلەستىگى, «دوس» تاۋەلسىز ءومىر» ورتالىعى ۇسىنعان ءتىزىم بويىنشا قازاقستاننىڭ بارلىق وبلىستارىنا جەتكىزىپ بەرەدى.
ايتا كەتەتىنى, قازاقستان رەسپۋبليكاسىنىڭ كولەمىندە ءتۇرلى الەۋمەتتىك جوبالاردى قولداۋمەن اينالىساتىن «WAQYP» كورپوراتيۆتىك قايىرىمدىلىق قورى 2017 جىلدىڭ شىلدە ايىندا مەملەكەت باسشىسى ن.نازارباەۆتىڭ تاپسىرماسىمەن قۇرىلعان. ەلباسىنىڭ 2017 جىلعى 20 ماۋسىمداعى جارلىعىنا سايكەس, اتالمىش قور جەكە جانە زاڭدى تۇلعالاردىڭ ەركىن تۇردە بولگەن قارجىلارىن بىرىكتىرىپ, قايىرىمدىلىق جاساپ, الەۋمەتتىك جوبالاردى جۇزەگە اسىرۋعا جولداۋدى, ءداستۇرلى رۋحاني جانە ءدىني قۇندىلىقتاردى دامىتۋ, بەيبىتشىلىكتى نىعايتۋ, قوعامدا دوستىق پەن كەلىسىمدى ساقتاۋ, رۋحاني ءبىلىم بەرۋ ۇيىمىنىڭ, ءدىني, تاريحي, مادەني ماڭىزى بار عيماراتتار مەن نىسانداردىڭ قىزمەتىن قامتاماسىز ەتۋ جانە ءدىني مەكەمە قىزمەتكەرلەرىن جانە رۋحاني ۇيىمداردىڭ قىزمەتكەرلەرىن قولداۋدى كوزدەيدى.
سونىمەن قاتار, حالىقتىڭ ءدىني ساۋاتىن ارتتىرۋ, ءدىني راديكاليزم مەن ەكسترەميزمنىڭ الدىن الۋ, پسيحولوگيالىق جانە قۇقىقتىق كومەك كورسەتۋ جانە تەرىس پيعىلدى اعىمداردان زارداپ شەككەن ازاماتتاردى الەۋمەتتىك تۇرعىدا بەيىمدەۋدى ماقسات تۇتادى. مۇنىڭ بارشاسى 2017-2020 جىلدارعا ارنالعان مەملەكەت ساياساتىنىڭ ءدىن سالاسىنداعى ماڭىزدى بولىگى سانالادى.
16-18 قازان كۇندەرى وتكەن ترەنينگ بارىسىندا «ۋاقىپ» قايىرىمدىلىق قورى 30 بىردەي مۇمكىندىگى شەكتەۋلى جانعا مۇگەدەكتەر ارباسىن تەگىن تابىستاسا, قالعانى رەسپۋبليكانىڭ بارلىق وڭىرىندەگى مۇقتاج جاندارعا ءوتىنىم مەن كەستەگە سايكەس تاراتىلماق. اربالاردى ءادىل تۇردە ءبولۋ قاتاڭ باقىلاۋدا بولادى جانە جوبانىڭ اشىقتىعىن تولىقتاي قامتاماسىز ەتەمىز دەيدى قور قىزمەتكەرلەرى.
