“الپامىس” اۋىل سپورتىن دامىتۋدى جاقتايدى

مەملەكەت باسشىسى نۇرسۇلتان نازارباەۆتىڭ اتىنا پرەزيدەنتتىڭ قازاقستان حالقىنا جولداۋىنا وراي پىكىر بىلدىرگەن حاتتار مەن جەدەلحاتتار كەلىپ ءتۇسۋىن جالعاستىرۋدا. وڭتۇستىك قازاقستان وبلىسىنان “الپامىس” ۇەۇ توراعاسى ۆالەري تۇرلىبەكوۆ “جاڭا ونجىلدىق – جاڭا ەكونوميكالىق ورلەۋ – قا­زاق­ستاننىڭ جاڭا مۇمكىندىكتەرى” جول­داۋىمەن مۇقيات تانىسقانىن جازادى. ء“سىزدىڭ جوسپارلارىڭىز دايەكتى, ناقتىلى, وڭ نيەتتى. بۇرىنعى سپورتشى, 40 جىلدىق ءوتىلى بار وقىتۋشى رەتىندە ماعان سالا­ماتتى ءومىر سالتى, سپورتتىڭ بۇ­قارالىلىعى تاقىرىپتارى اي­رىقشا ەتەنە جانە بولاشاق جاس ۇر­پاققا ءسىزدىڭ تەرەڭ الاڭداۋشى­لى­عى­ڭىز تۇسىنىكتى. اۋىلدىق جەردەگى مەكتەپكە دەيىنگى ساپالى ءبىلىم, وسكە­لەڭ ۇرپاقتىڭ دەنساۋلىعى – بۇل مىندەتتەردى ءسىز جوعارى دەڭ­گەيگە كوتەردىڭىز. اۋىلدا بۇقارالىق سپورتتى دامىتۋ ءۇشىن جوعارى الەۋەت جەت­كىلىكتى. بىزدە, سايرام اۋدانىندا “شاربولات” سپورتتىق ويىندارى بەس جىلدان استام ۋاقىتتان بەرى ءوت­كىزىلىپ كەلەدى. مەن مۇنداي شارا­لار, بەلگىلى ءبىر قارجىلىق قولداۋ جاعدايىندا, بارلىق جەردە دامي الادى دەپ سەنەمىن. مەن ءسىزدىڭ مەملەكەتتىك باعى­تى­ڭىزدى تولىقتاي قولدايمىن جانە وتانىمىزدىڭ يگىلىگى ءۇشىن جۇمىس ىستەيتىن بولامىن”, – دەلىن­گەن ۆ.تۇرلىبەكوۆتىڭ حاتىندا. قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ەلوردا مارتەبەسىن مەرەيلى ەتەيىك “نۇر وتان” حالىقتىق-دەموكراتيالىق پارتياسىنىڭ استانا قالالىق فيليالىندا دەپۋتاتتاردىڭ ايماقتىق فورۋمى وتكىزىلىپ, وعان پارلامەنت دەپۋتاتتارى مەن قالالىق ءماسليحاتتىڭ دەپۋتاتتارى جانە جەرگىلىكتى باسقارۋ ورگاندارىنىڭ باسشىلارى, باق وكىلدەرى قاتىناستى. انار تولەۋحانقىزى. كۇن تارتىبىنە قويىلعان العاشقى ماسەلە – وتكەن جىلى اتقارىلعان جۇمىستار بويىنشا ەسەپ بەرگەن پار­تيانىڭ استانا قالالىق في­ليالى توراعاسىنىڭ ورىنبا­سا­رى ءامىرحان راحىمجانوۆ بۇگىنگى فورۋمنىڭ نەگىزگى ماق­ساتى الدىمىزعا قويىل­عان مىندەتتەردىڭ اتقارىلۋ با­رىسىنا وي جىبەرۋ  جانە ەل­باسى نۇرسۇلتان نازار­باەۆ­تىڭ جىل سايىنعى قازاق­ستان حالقىنا ارنايتىن جول­داۋى اياسىندا  ءوزىمىز ورىن­داۋ­عا ءتيىس جۇمىستاردى ىلگە­رى­لە­تۋ­دىڭ جولدارىن قاراس­تى­رۋ, دەپ پارتيا مۇشەلەرىنىڭ نازارىن بىرقاتار ماسەلەلەرگە اۋداردى. ماسەلەن, جولداۋدا كورسەتىل­گەن كىشكەنتاي استا­نا­لىقتاردى بالاباق­شا­لار­مەن قامتاماسىز ەتۋ, قالانىڭ تۋريستىك باعىتتا قىزىقتى بولۋى ءۇشىن جۇ­مىس­تار اتقارۋ قوعامدىق قابىل­داۋدى جۇيەلى جۇرگىزۋدىڭ جانە حالىقپەن بايلانىستى جاقسار­تۋدىڭ ار­قاسىندا مۇمكىن بولاتىنىنا توقتالدى. ەلباسى بيىلعى جولداۋ­ىن­دا الداعى ونجىلدىقتا ات­قارار جۇمىستاردى بەلگىلەپ بەردى. بۇل – جاڭا ەكونو­مي­كالىق ورلەۋگە باستايتىن,  جاڭا مۇمكىندىكتەرگە جول اشاتىن جولداۋ. ەلدى جەدەل يندۋستريالاندىرۋ مەن ين­فراقۇرىلىمدى دامىتۋ, ەكو­نوميكانى ءارتاراپتاندىرۋ, ادام كاپيتالىنىڭ باسەكەگە قابىلەتتىلىگىن ارتتىرۋ, حالىق­قا ساپالى الەۋمەتتىك قىزمەت ءتۇر­لەرىن كورسەتۋدى دامىتۋ جانە باسقا دا كوپتەگەن ءىرى-ءىرى ءمىن­دەتتەر الدىمىزدا تۇر, دەي كەلىپ, فيليال توراعاسى­نىڭ ورىنباسارى كەيبىر دە­پۋتات­تاردىڭ بەلسەندىلىگى ءتو­مەندىگىن سىن­عا الىپ ءوتتى. جانە الدا كەلە جاتقان ۇلى جەڭىستىڭ وتان سوعىسىنداعى 65 جىلدىق مەرەكەسىنە باي­لا­نىستى ءاربىر ار­داگەردىڭ, تىل ەڭبەككەرلەرى­نىڭ نازاردان تىس قالماۋى كە­رەك­تىگىن قاپەرگە سالىپ, بۇل جۇ­مىستاردىڭ تەك مەيرام ءوت­كەن­شە عانا دەگەن ناۋقاندىق ءۇر­دىس الماۋى كەرەكتىگىنە ءمان بەردى. مۇنان سوڭ دەپۋتاتتار ال­دىندا قالاداعى كاسىپورىن­دار مەن بيزنەستىڭ دامۋى جاي­ىن ءسوز ەتكەن باسقارما باستىعى رىسكۇل قاۋعاباەۆا وتكەن جىلعى اتقارىلعان جۇ­مىستارمەن قاتار, الدا ىسكە قوسىلاتىن بىرقاتار نىسان­دار بار ەكەنىن ايتتى. ولار­دىڭ قاتارىندا فارماتسەۆ­تي­كالىق فابريكا, توڭازىت­قىش­تار شىعاراتىن زاۋىت سىندى حالىقتى جۇمىسپەن قامتاماسىز ەتۋگە ۇلەسىن قوساتىن نىساندار بار ەكەن. قالالىق ءبىلىم دەپار­تا­مەنتىنىڭ باسشىسى ءاسيما بيمەندينا جولداۋدا كورسە­تىلگەن پروبلەمانىڭ بىرى–بالدىرعانداردى بالاباق­شامەن قامتاماسىز ەتۋ ءما­سەلەسىنە توقتالدى. بۇگىنگى كۇنى استانا قالاسىندا 28 مىڭ ءبۇلدىرشىننىڭ اتا-اناسى مەكتەپكە دەيىنگى تاربيەلەۋ ورنىنىڭ قالامىزدا ازدى­عىنان زارۋلىك كورىپ وتىر. كازىر بۇل ماسەلەنى شەشۋدە  بىرنەشە باعىتتا جۇمىس ءجۇر­گىزىلىپ جاتىر. العاشقىسى – ءتۇرلى مەكەمەلەردىڭ كەڭسەلە­رى­نە اينالىپ كەتكەن بۇرىن­عى بالاباقشالاردى قايتارۋ, ەكىنشىسى – جاڭا بالا­باق­شالار سالۋ, ءۇشىنشىسى – جە­كەمەنشىك بالاباقشالار اشۋ, ءتورتىنشىسى – عيماراتتاردىڭ  ءبىرىنشى قاباتتارىندا ۋاقىت­شا بالا قابىلدايتىن ورىن­دار جۇمىسىن ۇيىمداستىرۋ, بەسىنشىسى – مەكتەپ جانىندا وعان دايىنداۋ توپتارىن اشۋ. مىنە, وسىلايشا بەس باعىت بويىنشا قولعا الىن­عان جۇمىستاردى بايانداعان دەپارتامەنت باسشىسىنىڭ ءسوزىن جينالعاندار دەن قوي­ىپ تىڭدادى. سەبەبى,  استانا قالاسىندا بالاباقشا ماسە­لەسى وتە ءبىر قيىن تۇيىنگە اينالىپ تۇرعانى انىق. قالالىق ءماسليحاتتىڭ حات­شىسى ۆلاديمير رەدكو­كا­شين جولداۋدا ايتىلعانداي, استانانىڭ ءوز مارتەبەسىنە لايىقتى بولۋى ءۇشىن دەپۋ­تاتتار مەن  بارشا قوعام مۇشەلەرىنىڭ ىنتا-ىقىلاسى, جاناشىرلىقتارىنا قوسا اركىمنىڭ وزدەرى ەڭبەك ەتەتىن سالالارىندا تىنباي قارەكەت جاساپ, ۇلەس قوسۋىنىڭ ما­ڭىز­دىلىعىنا توقتالدى. اسىرە­سە, ايماقتىق بيۋدجەتتىك باعدارلامالاردى ورىنداۋعا قوعامدىق اۋديت جۇرگىزۋ, جەر­گىلىكتى بيلىك پەن دە­پۋتاتتىق كورپۋستىڭ ۇندەسە قيمىلداۋىنىڭ ماڭىزى زور دەگەن ويلارىن ورتاعا سالدى. كولىك سالاسىنداعى جاۋاپتى مىندەتتەر كولىك جانە كوممۋنيكاتسيالار مينيسترلىگىندە وتكەن ەلباسىنىڭ قازاقستان حالقىنا جولداۋىن ىسكە اسىرۋ جۇمىستارىن تالقىلاۋعا ارنالعان القا ماجىلىسىندە يندۋستريالىق-يننوۆاتسيالىق دامۋ باعدارلاماسى بويىنشا كولىك سالاسىندا جالپى سوماسى 2,4 ترلن. تەڭگەگە 57 جوبانىڭ جۇزەگە اسىرىلاتىنى حابارلاندى. داستان كەنجالين. ماجىلىستە بايانداما جا­سا­عان مينيستر ابىلعازى قۇ­سايىنوۆ ىسكە اسىرىلاتىن جو­بالاردىڭ ىشىنە 1,1 ترلن. تەڭگە شاماسىنداعى 6 جو­با­نىڭ يندۋستريالاندىرۋ­دىڭ بازالىق كارتاسىنا ەنگە­نىن, ولاردىڭ قاتارىنا اۆتو­مو­بيل جولدارى سالاسىن­دا­عى 3 جوبانىڭ, تەمىر جولداعى 2 جوبانىڭ جانە اۆياتسيا سا­لاسىنداعى 1 جوبانىڭ قو­سىل­عانىن جەتكىزدى. ۆەدوم­ستۆو باسشىسى وسى جۇمىس­تار­دىڭ ءبارى ەلباسىنىڭ جول­داۋىنا سايكەس جاسالىپ جاتقانىن, بۇل جولعى جول­داۋدىڭ ءبىر ەرەكشەلىگى قازاق­ستاندى دامىتۋعا ارنالعان 10 جىلدىق باعدارلامانىڭ قا­بىلدانۋى ەكەندىگىن, ونىڭ ءبىرىنشى كەزەكتى شارالارى ىسكەرلىك جانە ينۆەستيتسيالىق احۋالدى جاقسارتۋعا, ەلىمىزدىڭ قارجى جۇيەسىن نىعايتىپ, مەملەكەتتىك باسقارۋدىڭ ءتيىم­دىلىگىن ارتتىرۋعا باعىت­تال­عاندىعىن اتاپ ءوتتى. بۇل ورايدا ول پرەزيدەنتتىڭ تاپ­سىرماسى بويىنشا ۇكىمەت ۇدە­مەلى يندۋستريالىق-يننو­ۆا­تسيالىق دامۋدىڭ مەملە­كەت­تىك باعدارلاماسى مەن ەلى­مىزدى يندۋستريالاندىرۋ كار­تاسىنىڭ ازىرلەگەنىنەن حابار­دار ەتتى. ونىڭ ايتۋىنشا, وسى قۇجاتتارعا بايلانىستى 2020 جىلعا دەيىن كولىك سالاسىن دامىتۋدىڭ نەگىزگى با­عىتتارى رەتىندە كولىك ين­فراقۇرىلىمىنىڭ ءتورت قۇ­راۋ­شىسى بولىپ تابىلاتىن تەمىر جول, اۆتوموبيل جول­دا­رى, اۋە جانە سۋ قاتىناس­تا­رى تاراپتارىنىڭ ءتيىمدى­لى­گىن ارتتىرۋ جانە ولاردى ءوز­ارا ينتەگراتسيالاۋ بەلگىلەن­گەن. ونىڭ ىشىندە, تەمىر جول سالاسىندا 2020 جىلعا دەيىن 1 400 كم. جاڭا تەمىر ول جە­لىلەرىن سالۋ جوسپارلانعان. 2012 جىلدىڭ اياعىنا دەيىن “وزەن – تۇركىمەنستان مەم­لەكەتتىك شەكاراسى”, “قورعاس – جەتىگەن” جوبالارى اياق­تا­لۋى ءتيىس. وسى ءىس-شارالاردىڭ ناتيجەسىندە ەلىمىزدىڭ اۋماعى ارقىلى وتەتىن ترانزيتتىك تا­سىمال ەكى ەسەدەن استامعا ار­تا­دى دەپ كۇتىلۋدە. ال ازا­ماتتىق اۆياتسيا سالاسىندا 2020 جىلعا دەيىن 15 اۋە­جايدى يكاو دەڭگەيىنە كەل­تىرىپ, اۋە تاسىمالىندا ءبا­سە­كە­لەستىك قالىپتاستىرىپ, ترانزيتتىك تاسىمال كولەمى مەن حالىقارالىق اۋە قاتى­ناستارى سانىن ەكى ەسە كو­بەي­تۋ جوسپارلانىپ وتىر. سونىمەن بىرگە, ول ەلباسى­نىڭ تاپسىرماسىمەن وتكەن جىلى “جول كارتاسىنىڭ” وي­داعىداي ىسكە اسىرىل­عا­نىن, بۇل باستامانىڭ بيىل دا جالعاسىن تاباتىنىن ايتتى. ماجىلىستە پرەزيدەنتتىڭ جولداۋىنا بايلانىستى مي­نيسترلىكتىڭ كولىك جانە جول قاتىناستارى, اۆتوموبيل جولدارى, ازاماتتىق اۆياتسيا جانە كولىكتىك باقىلاۋ كو­مي­تەت­تەرىنىڭ توراعالارى دا ءوز سالالارىندا اتقارىلىپ جات­قان جانە بولاشاققا جوس­پار­لانعان جۇمىستار تۋرالى كەڭىنەن حاباردار ەتتى. ازا­ماتتىق اۆياتسيا كوميتەتىنىڭ توراعاسى رادىلبەك ءاديمولدا قازىر ەلىمىزگە جوعارى بىلىكتى ماماندار جەتىسپەي جاتقان­دى­عىن, ەلباسىنىڭ ءوز جول­داۋىندا مامانداردى دايىن­داۋ ىسىنە كەڭىرەك توقتال­عانىن, سوعان بايلانىستى الداعى كەزدە ازاماتتىق اۆيا­تسيا اكادەمياسىن قۇرۋ ماسەلەسىن شەشۋ كەرەكتىگىن ايتسا, اۆتو­موبيل جولدارى كوميتەتىنىڭ توراعاسى زامير ساعىنوۆ جولداۋدا ءسوز بول­عان “باتىس قىتاي – باتىس ەۋروپا” ءدا­لىزىنىڭ قۇرىلىسى جونىندە مالىمەتتەرىمەن ءبو­لىس­تى. ونىڭ ايتۋىنشا, جو­بانىڭ قۇرىلى­سى كەلەسى ايدا باستالىپ, 2013 جىلى بىتەدى دەپ جوسپارلانۋدا. قازىر 230 شاقىرىم مەن 1186 ۋچاسكەگە مەردىگەرلەر انىق­تالدى. بي­ىل­عى جىلى ونىڭ قۇرى­لىسىنا 50 000 ادامدى تارتۋ جوسپاردا بار. ال جالپى, 104 ملرد. تەڭگەنى قۇرايتىن جو­باعا 128 000 ادامدى جۇمىس­قا الۋ كوزدەلۋدە. ءماجىلىستى سوڭىندا وعان قاتىسۋشىلار پرەزيدەنتتىڭ جولداۋىن ناسيحاتتاۋ بوي­ىن­شا جۇمىستاردىڭ ءتيىستى دەڭگەيدە جۇرگىزىلىپ, مي­نيسترلىكتىڭ قۇرىلىمدىق بولىمشەلەرى مەن ۆەدوم­ستۆو­لىق كوميتەتتەرى جوعارىدا اتالعان ماسەلەلەردى شەشۋ ءۇشىن قولدا بار مۇمكىندىكتىڭ ءبارىن جاساۋ كەرەك دەپ شەشتى. الەۋمەتتىك جوبالارعا – كەڭ ءورىس كەشە الماتىدا “مەملەكەتتىك الەۋمەتتىك تاپسىرىس تۋرالى” زاڭعا ەنگىزىلەتىن وزگەرىستەر مەن تولىق­تى­رۋلار جوباسىن دايىنداۋ جونىندەگى جۇمىس توبىنىڭ كەزەكتى وتىرىسى بولىپ ءوتتى. وعان ءمۇد­دەلى مەملەكەت­تىك ورگانداردىڭ وكىلدەرى, الماتى قالاسىنىڭ جانە ەلىمىزدىڭ باسقا دا ايماق­تارىنىڭ كوپتەگەن ۇكىمەتتىك ەمەس ۇيىمدارىنىڭ جە­تەك­شىلەرى قاتى­سىپ, ولار مادە­نيەت جانە اق­پا­رات مينيسترلىگىنىڭ وكىلدەرىمەن ءبىر­لەسە وتىرىپ, اتالمىش ماسە­لەنى تالقىعا سالدى. ءار تاراپتان ۇسى­نىل­عان تۇزەتۋلەر كەڭىنەن ويلاسى­لىپ, قولدانىستاعى زاڭ­نامانى جاقسارتۋ جونىندە ناقتى ۇسىنىستار ايتىلدى. جۇمىس توبىنىڭ توراعاسى, ءما­دەنيەت جانە اقپارات ۆيتسە-ءمينيسترى عازيز تەلەباەۆتىڭ اتاپ كورسەت­كەنىن­دەي, قولدانىستاعى زاڭعا ۋاقىت تالابىنا ساي تۇزەتۋ­لەر مەن تولىق­تىرۋلار ەنگىزۋ بۇگىن تاڭ­دا ابدەن تولعاعى جەتكەن ماسە­لە. زاڭنىڭ جاڭارتىلۋى ەلدەگى دەموكراتيالىق ۇدەرىستەردىڭ جەدەل­دەپ جاقسارا تۇسۋىنە دە يگى اسەرىن تيگىزبەك. قازاقستان ەقىۇ-عا توراعالىق ەتىپ وتىرعان قازىرگى كەزەڭدە بۇل جايدىڭ ماڭىزى وتە زور. ولاي بولسا, جۇمىس توبى اتالمىش زاڭ جوباسىن ازىرلەۋ ورايىندا نەعۇرلىم بەلسەندىرەك قيمىلداۋى قاجەت. بۇل جۇمىستى سوزباققا سالىپ, كەشەۋىلدەتە بە­رۋ­گە بولمايدى. دەمەك, بۇل ورايدا بيلىكتىڭ ازاماتتىق قوعاممەن ءبىر­لەسە ءىس-ارەكەت ەتۋى جاقسارىپ ءارتۇرلى قوعامدىق ۇيىمداردىڭ وكىلدەرىمەن ورتاق پىكىر قالىپ­تاس­تىرۋدىڭ ءمانى زور. بۇدان كەيىن ءسوز العان حالىق­ارا­لىق كوممەرتسيالىق ەمەس قۇ­قىق ورتالىعىنىڭ زاڭگەرى جان­عا­زى كۇن­سەركين مەملەكەتتىك تاپ­سىرىس­تى رەتتەستىرۋدەگى باسقا ەل­دەردىڭ تاجىريبەسى جايىندا ءاڭ­گى­مەلەپ بەردى. ساراپشىنىڭ پىكى­رىنشە, ءبىز­دىڭ رەسپۋبليكامىزدا مەملەكەت­تىك ەمەس ۇيىمدار قاتى­ساتىن كون­كۋرستىق راسىمدەمە­لەر­دىڭ اشىق­تى­عى مەن مولدىرلىگىن ارتتىرا ءتۇسۋ قاجەت. قانداي دا ءبىر تەندەردىڭ باع­دارلانعان ەڭ از باعاسى نەگىزگى تۇيتكىلدەردىڭ ءبىرى بولىپ تابى­لا­دى. وسىناۋ ۇستا­نىم ازاماتتىق قوعام ينستيتۋت­تارىندا قولدانۋعا كوبىنە-كوپ ىڭعايلى بولا بەرمەي­تىنىن ەسكەر­گەن ءجون. اڭگىمە مۇگەدەك­تەردىڭ, كا­مەلەتكە تولماعاندار­دىڭ, جال­عىزىلىكتى انالاردىڭ تۇرمىسىن جاقسارتۋ تۋرالى بولعان كەزدە باس­تى نىسانالى باعدارعا جوبا­نىڭ قوعامعا كەلتىرەتىن پايداسى الىنعانى ابزال. شۇعىل شەشۋدى تالاپ ەتەتىن تاعى ءبىر ماسەلە – الەۋمەتتىك جو­با­نى جۇزەگە اسىراتىن تەندەردى ۇتىپ العان ۇكىمەتتىك ەمەس ۇيىم­نىڭ شىعىنىنا باي­لانىستى. قو­عامدىق بەلسەندىلەر­دىڭ پايىم­داۋ­ىنشا, ءۇي-جايدىڭ جالعا الىنۋى, جابدىقتاردى ساتىپ الۋ مەن جوندەۋ مەملە­كەتتىك تاپسىرىستىڭ قۇنىنا كىرۋى ءتيىس. سونداي-اق, ءسوي­لەۋشىلەر ەلدە الەۋمەتتىك قىزمەت­تەر­دىڭ ساتىپ الىنۋ جۇيەسىن جاق­سارتۋعا جاۋاپ بەرەتىن بىرەگەي وكىلەتتى ورگان بولۋىن جاقتادى. قورعانبەك امانجول. رەسمي ساپارلار جوسپارى جاريالاندى 22 جانە 24 اقپان ارالىعىندا قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ رەسمي ساپارمەن قىتاي حالىق رەسپۋبليكاسىنىڭ سىرتقى ىستەر ءمينيسترى يان تسزەچيدىڭ شاقىرۋى­مەن قىتايعا بارادى. بۇل تۋرالى كەشە سىرتقى ىستەر مينيسترلىگىندە بولىپ وتكەن بريفينگتە سىرتقى ىستەر مينيسترلىگىنىڭ رەسمي وكىلى اسقار ابدراحمانوۆ مالىمدەدى. قانات ساۋداباەۆتىڭ سىرتقى ساياسات ۆەدومستۆوسى باسشىسى  لاۋا­زىمىنداعى پەكينگە جاساپ وتىرعان العاشقى ساپارىندا قىتاي باسشى­لىعىمەن بىرقاتار كەلىسسوزدەر ءجۇر­گىزىلىپ, ەكىجاقتى ىنتىماقتاستىقتى ودان ءارى جانداندىرا ءتۇسۋدىڭ جولدارى قاراستىرىلماق. ق.ساۋدا­باەۆتىڭ سونداي-اق قىتايدىڭ قوعامدىق عىلىمدار اكادەميا­سىن­دا “قازاقستان جانە قىتاي: اي­ماق­تاعى بەيبىتشىلىك پەن ورلەۋگە با­عىتتالعان ستراتەگيالىق ارىپتەستىك” تاقىرىبىندا ءسوز سويلەيتىندىگى جوسپارلانىپ وتىر ەكەن. “قانات بەكمىرزا ۇلىنىڭ قى­تاي­عا ساپارى ەكىجاقتى ساياسي ءۇن­قاتىسۋدى ودان ءارى دامىتۋعا جانە ديپ­لوماتيالىق ۆەدومستۆولار باس­شىلارىنىڭ كەزدەسۋلەرىن تۇراقتى تۇردە وتكىزۋ تاجىريبەسىن ورنىق­تىرۋعا, سونداي-اق جوعارى دەڭگەيدە قول جەتكىزىلگەن ۋاعدالاستىقتاردى ىسكە اسىرۋعا باعىتتالعان”, – دەگەن رەسمي وكىل, سونىمەن قاتار, پرە­مەر-ءمينيستردىڭ ورىنباسارى, ەۋرازەق-تىڭ ينتەگراتسيالىق كو­ميتەتى مەن كەدەندىك وداق كوميس­سيا­سىنىڭ مۇشەسى ومىرزاق شوكەەۆ باستاعان دەلەگاتسيا 26 اقپاندا ءماس­كەۋدە بولاتىن ەۋرازيالىق ەكونوميكالىق قوعامداستىق ينتەگراتسيالىق كوميتەتىنىڭ 48-ءشى جانە كەدەندىك وداق كوميسسياسى­نىڭ 14-ءشى باسقوسۋلارىنا قاتىسا­تىن­دىعىنا توقتالدى. الدا وتەتىن اتالمىش باسقوسۋدا ەۋرازەق-قا مۇشە مەملەكەتتەر اراسىندا 2011 جىلعى كوشى-قون,  بيۋدجەتتىك سالاداعى ىقپالداستىق جانە اۋىلشارۋاشىلىق تەحنيكاسى مەن كولىكتى حالىقارالىق ليزينگكە بەرۋ ماسەلەلەرى تالقىلانباق ەكەن. ا.ابدراحمانوۆتىڭ ايتۋىنشا 26 اقپان مەن 1 ناۋرىز ارالىعىندا شۆەيتساريانىڭ جەنەۆا قالاسىندا بۇۇ-نىڭ ناسىلدىك كەمسىتۋشىلىكتىڭ بارلىق تۇرلەرىن جويۋ تۋرالى كو­مي­تەتىندە قازاقستان وكىلدەرى ارنايى بايانداما جاسايتىن بولادى. مۇندا قازاقستاندىق دەلەگاتسيا باسشى­لارى­نىڭ باياندامالارىنان وزگە ۇسىنىس, پىكىرلەرى دە تىڭدالادى. اراي ۇيرەنىشبەكقىزى. باسقارمادا ءباسپاسوز كلۋبى اشىلدى جاريالىلىق – قوعامنىڭ اي­نا­سى. وبلىستىق ىشكى ىستەر دەپار­تا­مەنتىندە سوڭعى كەزدەرى بۇقارا­لىق اقپارات قۇرالدارىمەن بايلا­نىس نىعايا تۇسكەنى بايقالادى. ءنا­تيجەسىندە دەپارتامەنتتە ءباسپاسوز كلۋبى اشىلىپ, ول جيىن وتكىزۋگە قاجەتتى كەرەك-جاراقتارمەن, سون­داي-اق باسقا قۇرال-جابدىقتارمەن تولىق قامتاماسىز ەتىلگەن. كلۋبتىڭ اشىلۋىندا وبلىستىق ءىىد باستىعىنىڭ ورىنباسارى ب.قو­جامبەرديەۆ ەلباسىنىڭ حالىققا ارناعان جولداۋىنا تۇسىنىكتەمە بەرىپ, ونداعى قۇقىق قورعاۋ سالا­سىنا قاتىستى العا قويىلعان ءمىن­دەتتەردى سارالادى. سونداي-اق ماسە­لەلەردىڭ سالاداعى كاسىبي مامان­دار­دىڭ قاجىرلى قيمىلى, كاسىبي شەبەرلىگىمەن جالعاساتىنى ورتاعا سالىندى. كۇمىسجان بايجان, الماتى وبلىسى.