«بيزنەس ءوسىمىنىڭ تۇراقتى ءوسىم كوزىن قالىپتاستىرۋ قاجەت. جەكە ينۆەستيتسيانى ىنتالاندىرۋ نارىقتىڭ بوستاندىعىن قامتاماسىز ەتەدى. ءدال وسى بيزنەس جاڭا جۇمىس ورىندارىن قۇرىپ, قازاقستاندىقتاردىڭ باسىم بولىگىنىڭ كىرىسىن ارتتىرادى. بۇل ءۇشىن ءبىز كەلەسى مىندەتتەردى شەشەتىن بولامىز», - دەدى مەملەكەت باسشىسى.
وسى رەتتە ەلباسى 2010 جىلى «جول كارتاسى-2020» باعدارلاماسىنىڭ ىسكە قوسىلعانىن اتاپ ءوتتى. «وڭىرلەرگە ساپارىم بارىسىندا بۇل باعدارلامانىڭ تيىمدىلىگىنە كوزىم جەتتى. باعدارلامانىڭ جۇزەگە اسىرىلۋىن 2025 جىلعا دەيىن سوزۋ قاجەت. ونى جۇزەگە اسىرۋ ءۇشىن جىل سايىن قوسىمشا 30 ملرد تەڭگە قاراستىرىلۋى كەرەك», - دەدى نۇرسۇلتان نازارباەۆ.
پرەزيدەنت اتاپ وتكەندەي, بۇل شارالار ءۇش جىلدىڭ ىشىندە ازاماتتارىمىز ءۇشىن قوسىمشا 22 مىڭ جۇمىس ورنىن اشۋعا, بيۋدجەتكە قوسىمشا 224 ملرد تەڭگە الۋعا مۇمكىندىك بەرەدى. 3 ترلن تەڭگەنىڭ ءونىمى شىعارىلادى.
