ء«بىز «سامۇرىق-قازىنامەن» ۇزاق مەرزىمدى ارىپتەستىگىمىزدى جالعاستىرۋعا قۋانىشتىمىز جانە ءبىزدىڭ ىنتىماقتاستىعىمىز ەكونوميكانىڭ ناقتى سەكتورىن نەسيەلەندىرۋ بويىنشا ستراتەگيالىق جوبالاردى ءتيىمدى ىسكە اسىرۋعا ىقپال ەتەتىنىنە سەنىمدىمىز. ForteBank ەلدەگى كاپيتالدىڭ جەتكىلىكتىلىگى مەن وتىمدىلىگى نەگىزىندە جەتەكشى پوزيتسيالاردى ساقتاي وتىرىپ, بارلىق قارجىلىق جانە وپەراتسيالىق كورسەتكىشتەر بويىنشا 2018 جىلى سەنىمدى ءوسىمدى كورسەتەدى. «سامۇرىق-قازىنا», «قازاقستان تەمىر جولى» مەن «قازاتومپروممەن» جاسالعان بۇل كەلىسىم ForteBank-ءتىڭ قازاقستانداعى كورپوراتيۆتىك سەگمەنتىندەگى ۇستانىمىن ايتارلىقتاي كۇشەيتەدى", دەدى ForteBank باسقارما توراعاسى گۋرام اندرونيكاشۆيلي.
ForteBank «سامۇرىق-قازىنامەن» كەلىسىم-شارتى اياسىندا ءوزىنىڭ دەپوزيتىندەگى 220 ملرد. تەڭگەلىك ۇزاق مەرزىمدى وبليگاتسيالارىن ايىرباستادى. ءوز كەزەگىندە ForteBank «سامۇرىق-قازىنا» مەن «قازاقستان تەمىر جولىنداعى» وبليگاتسيالارىنىڭ جالپى كولەمى – 150 ملرد. تەڭگە جانە «قازاتومونەركاسىپ» ۇلتتىق اتوم كومپانياسى» اق-داعى وبليگاتسيالارى – 200 ملن. اقش دوللارى.
«قازاقستان تەمىر جولى» ۇك» اق مەن «سامۇرىق-قازىنا» ۇلتتىق ءال-اۋقات قورى» اق اراسىندا دا ىنتىماقتاستىق تۋرالى مەموراندۋمعا قول قويىلدى.
