12 كۇندە ەكسپەديتسيا قاتىسۋشىلارى وبلىسپەن ورتا ازياداعى ەڭ ەرتەدەگى قورىقتاردىڭ ءبىرى اقسۋ-جاباعىلىدان باستاپ تانىسقان ەدى. قورىقتىڭ جالپى اۋدانى 131 934 گا قۇرايدى. بۇل جەردى سيرەك كەزدەسەتىن جانۋارلار مەكەندەيدى جانە مۇندا 170-تەن اسا وسىمدىك ءتۇرى وسەدى.
اقسۋ-جاباعىلى قورىعىنىڭ اۋماعىندا ءارتۇرلى ەكسكۋرسيالار جۇرگىزىلەدى. تابيعاتتى سۇيۋشىلەر ءۇشىن ەكولوگيالىق ەكسكۋرسيالار جانە مەكتەپ وقۋشىلارىنا ارنالعان بالالار باعدارلارى بار. قورىقتا ادامداردىڭ ەڭ كوپ باراتىن جەرلەرىنىڭ ءبىرى — اقسۋ شاتقالى, ول كونە زامانداردا تۇراق ورنى بولعان, مۇنى تاستاعى سۋرەتتەر كۋالاندىرادى. شاتقالدىڭ تەرەڭدىگى 1800 م.
باتىس تيان-شاننىڭ شىعىس بولىگىندە ورنالاسقان سايرام-وگەم مەملەكەتتىك تابيعي پاركىندە باعدار قاتىسۋشىلارى 2350 مەتر بيىكتىكتەگى سايرامسۋ كولىنە توقتادى. بۇل مۇزدىقتان پايدا بولعان تاماشا كورىنىستى كول, سۋى وتە سالقىن, ويتكەنى كول قۋاتتى جەراستى بۇلاقتاردان تولىعىپ وتىرادى.
بۇدان باسقا, باعدار قاتىسۋشىلارى ۇلى جىبەك جولىنداعى تاعى ءبىر ايگىلى قالا – ساۋراننىڭ ورنىن كوردى. بۇگىندە ءوڭىر وكىمەتتەرى قالانى تۋريستەر ءۇشىن تارتىمدى ورىنعا اينالدىرۋعا بار كۇشتەرىن سالۋدا. تۋريزم يندۋسترياسىن دامىتۋ, جاڭا نىساندار قۇرىلىسى جانە كوشەلەردى رەكونسترۋكتسيالاۋ قالا اكىمشىلىگى ازىرلەگەن «كونە تۇركىستان» تۇجىرىمداماسىندا قاراستىرىلعان.
بۇل ەڭ مازمۇندى باعدارلاردىڭ ءبىرى بولدى, ويتكەنى ساياحاتشىلار مۇلدە از ۋاقىت ىشىندە مەيلىنشە كوپ جەرلەرگە باردى, ولاردىڭ اراسىندا: جاركەنت, قورعاس سەلوسى, ساتى كەنتى, تاۋ بيىگىندەگى كولساي كولدەرى مەن قايىڭدى كولى, شارىن مەملەكەتتىك ۇلتتىق تاريحي پاركى, تەمىرلىك شاتقالدارى, بەكىنىستەر القابى, «التىن ەمەل» مەملەكەتتىك ۇلتتىق تابيعي پاركى, اقتاۋ تاۋلارى, ءانشى قۇم, تالقىز قالاسىنىڭ ورنى, تاڭبالى شاتقالى, اقىرتاس ارحەولوگيالىق كەشەنى, قاراحان جانە ايشا-ءبيبى كەسەنەلەرى جانە ت.ب.
وتىرار — « ۇلى دالا Eلىنە ساياحات» جوباسى باعدارلارىنىڭ سوڭعى نۇكتەسى. وتىراردا قاتىسۋشىلاردى قر مادەنيەت جانە سپورت ءمينيسترى ارىستانبەك مۇحامەدي ۇلى قارسى الدى.
«قۇرمەتتى ەكسپەديتسيا قاتىسۋشىلارى, سىزدەردى ءىرى جانە وتاندىق ءتۋريزمنىڭ دامۋى ءۇشىن ماڭىزدى « ۇلى دالا Eلىنە ساياحات» ەكسپەديتسياسىنىڭ اياقتالۋىمەن قۋانىشپەن قۇتتىقتاعىم كەلەدى. ءۇش اي شامالاس ءبىزدىڭ تۋعان ولكەگە ساياحات ارتتا قالدى, سىزدەر ءبىزدىڭ تاماشا وتانىمىزدىڭ ەڭ عاجايىپ جەرلەرىن كوردىڭىزدەر! ناتيجە بىزدە سۇلۋ تابيعات پەن نازار اۋدارۋعا لايىقتى تاريحي ەسكەرتكىشتەر سانىنىڭ كوپتىگىن كورسەتتى. ەندى وڭىرلەردە ىشكى ءتۋريزمدى دامىتۋ جۇمىسىن جالعاستىرۋ كەرەك, بۇنى وسكەلەڭ ۇرپاققا كورسەتۋ, ءبىزدىڭ يگىلىكتەرىمىزدى شەتەلدىك تۋريستەرگە تانىستىرۋ قاجەت», — دەدى ارىستانبەك مۇحامەدي ۇلى.
كەرى جولدا قاتىسۋشىلار شىمكەنت قالاسىنىڭ كورىكتى جەرلەرىن تاماشالايدى جانە قالادان 90 شاقىرىم جەردەگى اقمەشىت ۇڭگىرىنە بارادى. ول اكتاس جىنىستارىنان پايدا بولعان جانە جارتاس قۋىسى بولىپ تابىلادى. ىشىنەن ونىڭ شەتتەرى كيىز ءۇي كۇمبەزىن ەسكە سالادى.
« ۇلى دالا Eلىنە ساياحات» ەكسپەديتسياسىنىڭ التى باعدارى اياسىندا بىرنەشە مىڭداعان شاقىرىم ارتتا قالدى. قورىتىندى رەتىندە ءاربىر باعدار بويىنشا فوتو-, بەينەبانك, جولكورسەتكىش جانە جاڭا تۋريستىك باعدارلار جاسالاتىن بولادى.
« ۇلى دالا Eلىنە ساياحات» ەكسپەديتسياسى استانا قالاسىنىڭ 20-جىلدىعىن مەرەكەلەۋ اياسىندا وتكىزىلگەنىن ەستەرىڭىزگە سالا كەتەيىك. ۇيىمداسىرۋشىسى — مادەنيەت جانە سپورت مينيسترلىگىنىڭ تۋريزم يندۋسترياسى كوميتەتىنىڭ تاپسىرىسى بويىنشا «Kazakh Tourism» ۇك. «جاڭا جىبەك جولى» ەكسپەديتسياسىنىڭ باعدارىن «QazaqGeography» رقب جۇزەگە اسىردى. ەكسپەديتسيا قاتىسۋشىلارىنىڭ قۇرامىندا تاجىريبەلى ساياحاتشىلار, تۋروپەراتورلاردىڭ وكىلدەرى, شەتەلدىك جانە قازاقستاندىق ترەۆەل-بلوگەرلەر, سونىمەن قاتار «National Geographic رەسەي» كومانداسىنىڭ وكىلدەرى بار.
