مەديتسينا • 27 قىركۇيەك، 2018

استانادا وبىر مەن قانت ديابەتى دەرتىن ەرتە انىقتاۋعا مۇمكىندىك تۋدى

315 رەتكورسەتىلدى

استانادا جىل باسىنان بەرى سكرينينگتىك زەرتتەۋدەن ەكى ءجۇز مىڭنان استام ادام ءوتتى. زەرتتەۋ وبىر دەرتى، قانت ديابەتى، گلاۋكوما جانە قان اينالىمى جۇيەسى اۋرۋلارىن ەرتە كەزەڭدە انىقتاۋ ماقساتىندا وتكىزىلەدى.

وسى تۇرعىدا، اۋرۋدىڭ الدىن الۋداعى ەڭ ماڭىزدى ءادىس – ول سكرينينگ، ونىڭ كومەگىمەن اۋرۋدى انىقتاپ، اسقىنىپ كەتپەۋىنە جول بەرمەۋگە ابدەن بولادى. «الەۋمەتتىك مەديتسينالىق ساقتاندىرۋ قورىنىڭ» استانا قالاسىنداعى فيليالىنىڭ مالىمەتى بويىنشا، بيىل جاتىر مويىنشىعى، ءسۇت بەزدەرى، ىشەك وبىرىن انىقتاۋدا 50 816 ادام تەكسەرۋدەن ءوتتى. ولاردىڭ 3 218-ءى ديسپانسەرلىك ەسەپكە الىندى، تەكسەرۋگە 30 بەن 70 جاس ارالىعىنداعى ازامماتتار قاتىستى. اتالعان اۋرۋ تۇرلەرىنىڭ سكرينينگتىك زەرتتەۋلەرىنە استانا قالاسى بويىنشا بيىل 214،8 ملن تەڭگە ءبولىندى. «امسق» كەاق استانا قالاسى بويىنشا فيليالىنىڭ ديرەكتورى ن.قابدىقاپاروۆتىڭ ايتۋىنشا، سكرينينگ كابينەتتەرى بارلىق ەلوردالىق ەمحانالاردا بار، جىل سايىن ول جەردە ورتا ەسەپپەن العاندا ەكى ءجۇز مىڭنان استام پاتسيەنتتەرگە قىزمەت كورسەتىلەدى. بارلىق سكرينينگتىك زەرتتەۋلەر تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جاسالادى. ازاماتتىڭ سكرينيگتەن وتۋگە جاس شاماسى كەلەتىنىن نەمەسە كەلمەيتىنىن تىركەلگەن ەمحانادان بىلۋگە بولادى.

ەستەرىڭىزگە سالا كەتسەك، قازاقستاندا 15-ءشى قىركۇيەكتەن باستاپ ەمحانالارعا تىركەۋ ناۋقانى ءجۇرىپ جاتىر. ەكى ايعا سوزىلاتىن جىل سايىنعى ءداستۇرلى ناۋقان قاراشانىڭ 15-دە اياقتالادى. وسى ارالىقتا ازاماتتار ەركىن تاڭداۋ قۇقىعىمەن وزىنە قىزمەت كورسەتىپ جۇرگەن ەمحاناسىن اۋىستىرا الادى. استانادا باستاپقى مەديتسينالىق-سانيتارلىق كومەك كورسەتەتىن 44 دەنساۋلىق ساقتاۋ سۋبەكتىسى تۇرعىنداردى تىركەيدى، ونىڭ 13-ءشى – جەكە مەنشىك ەمحانالار.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار