وقيعا ەلوردالىق تۇرعىن ءۇي كەشەندەرىنىڭ بىرىندە بولعان. قۇلاعان بالانى سول ءۇيدىڭ تومەنگى قاباتىندا تۇراتىن 28 جاستاعى ارتەم قاراەۆ قۇتقارىپ قالعان.
«مەن بالكونعا شىقتىم, ادامدار ايقايلاپ جۇگىرىپ ءجۇر ەكەن. بارلىعى مەن جاققا قاراپ تۇر. جوعارى قاراسام, بالا سالبىراپ تۇر ەكەن. ول تومەنگە قاراي قۇلديلاي باستاعاندا, مەن ونى توسىپ الدىم. بالكونعا قاراي تارتتىم», دەيدى ارتەم قاراەۆ.
ونىڭ ايتۋىنشا, بالانىڭ جاسى شامامەن جەتىدە. بالا ۇيدە جالعىز قالعان. اناسى 15 مينۋتقا ۇيدەن شىققان. ال ەسىك ق ۇلىپتاۋلى بولعان. دالاعا سەرۋەندەۋگە شىققىسى كەلگەن ول تەرەزەدەگى توردى پىشاقپەن تەسكەن. تومەن قاراي سەكىرە باستاعاندا تورعا ءىلىنىپ قالعان.
بۇل وقيعاعانى ءىىم توتەنشە جاعدايلار كوميتەتىندەگىلەر 24 قىركۇيەكتە استانادا بولعانىن راستادى.
«10:16-دا بالانىڭ 10-شى قاباتتان قۇلاۋىنا قاeىپ بار دەگەن حابارلاما تۇسكەن. ەلوردالىق №2 مامانداندىرىلعان ءورت ءسوندىرۋ قىزمەتىنىڭ كەزەكشى ءبولىمى 10:22-دە جەتكەن. قۇتقارۋشىلار جەتكەنشە, 2012 جىلى تۋعان بالانى توعىزىنشى قاباتتا تۇراتىن كورشىسى قۇتقارعانى انىقتالعان. بالانىڭ جاعدايى جاقسى, ول اتا-اناسىنا تاپسىرىلدى. كومەك قاجەت بولمادى», دەدى قر ءىىم تجك ءباسپاسوز قىزمەتىنىڭ وكىلدەرى.
