ء«بىز ن. ماندەلانىڭ ومىرىنەن شابىت الامىز, ول ءوزارا قۇرمەت, مەيىرىمدىلىك پەن الەمدى اجىراتاتىن قاقتىعىستارعا قارسى كۇرەسۋدىڭ زورلىقسىز ادىستەرىنە نەگىزدەلگەن. ەتنيكالىق, ءدىني, اۋماقتىق جانە باسقا فاكتورلار تۋىنداعان قاقتىعىستاردىڭ كۇرت ءوسۋى بۇكىل دۇنيە جۇزىندە قاتەرلى گۋمانيتارلىق داعدارىستارعا الىپ كەلەدى. بەيبىتشىلىكتى ۇستەم ەتۋ ءۇشىن تەك قانا قاقتىعىستاردىڭ ەمەس, تەرروريزم, ەكسترەميزم, ۇيىمداسقان قىلمىس, ادام ساۋداسى ءتارىزدى سەبەپتەردى جويۋ قاجەت. ءبىز سونداي-اق بارلىق قاقتىعىستاردى كۇشەيتەتىن تەرەڭ كەدەيلىكتى, ازىق-ت ۇلىك, سۋ مەن ەنەرگيا تاپشىلىعىن, كليماتتىڭ وزگەرۋ قاۋىپىن جانە جاپپاي قىرىپ-جوياتىن قارۋ-جاراقتاردى جويۋعا ءتيىسپىز», - دەلىنگەن ءمينيستردىڭ سوزىندە.
قازاقستان نەلسون ماندەلانىڭ قۇندىلىقتارىن راستايتىن ءسامميتتىڭ ساياسي دەكلاراتسياسىن قابىلداۋىن قۇپتادى. قازاقستاننىڭ پىكىرىنشە, بۇل قۇجات بۇكىل حالىقارالىق قوعامداستىققا ديالوگ پەن تاتۋلاسۋ ارقىلى ادامنىڭ ار-نامىسى, ادىلدىگى مەن بەيبىتشىلىگىنىڭ ماڭىزدىلىعى تۋرالى ەسكەرتۋ بولۋعا ءتيىس. قازاقستان ديپلوماتياسى بەيبىتشىلىككە دەگەن ۇمتىلىسى پرەزيدەنت نۇرسۇلتان نازارباەۆتىڭ سوعىسقا قارسى «الەم. ءححى عاسىر» مانيفەسىندە جانە 2017 جىلعى قاڭتار ايىنداعى بۇۇ قاۋىپسىزدىك كەڭەسىنە «قاۋىپسىز, ءادىل جانە گۇلدەنگەن الەم قۇرۋ ءۇشىن جاھاندىق ارىپتەستىكتى نىعايتۋعا قازاقستاندىق تۇجىرىمدامالىق كوزقاراس» اتتى ساياسي جولداۋىندا جۇزەگە اسىرىلۋدا. ق. ءابدىراحمانوۆ مانيفەست قاقتىعىستاردىڭ الدىن-الۋدان باستاپ, ديپلوماتيا جانە مەدياتسيا, بەيبىتشىلىكتى ساقتاۋ مەن بەيبىتشىلىكتى قۇرۋ جانە دامۋعا دەيىن بارلىق قولجەتىمدى قۇرالداردى پايدالانۋعا شاقىراتىندىعىن ەسكە سالدى.
نيۋ-يورككە ساپارى اياسىندا قر سىرتقى ىستەر ءمينيسترى حالىقارالىق بەيبىتشىلىك ينستيتۋتىنىڭ پرەزيدەنتى تەرە رود-لارسەن ۇيىمداستىرعان تاياۋ شىعىسقا قاتىستى 13-ءشى مينيسترلىك كەزدەسۋىندە ءسوز سويلەپ, سونداي-اق بۇۇ كىتاپحاناسىندا قىرعىز جازۋشىسى شىڭعىس ايتماتوۆتىڭ 90 جىلدىعىنا ارنالعان كورمەنىڭ اشىلۋىنا قاتىستى.
باس اسسامبلەيانىڭ سەسسياسى شەڭبەرىندە ق. ءابدىراحمانوۆ كۋبا, نورۆەگيا, ازەربايجان سىرتقى ىستەر مينيسترلەرى, تيىسىنشە برۋنو رودريگەس, ينە ەريكسەن سيورەيدە, ەلمار مامەدياروۆپەن, سونداي-اق بۇۇ باس حاتشىسىنىڭ ورىنباسارى, تەرروريزمگە قارسى كۇرەس ءبولىمىنىڭ باسشىسى ۆلاديمير ۆورونكوۆپەن ەكىجاقتى كەزدەسۋلەر وتكىزدى.
