ەۆگەنيي چولي جينالعانداردى وسى اتاۋلى مەرەيتويمەن قۇتتىقتادى. ءوز سوزىندە جالپى ۋكرايندار كونگرەسىنىڭ قىزمەتى-دۇنيەجۇزىندە تۇرىپ جاتقان ۋكراينالىق قاۋىمداستىقتى ناسيحاتتاۋعا جانە ولارعا كومەكتەسۋگە باعىتتالعان. كونگرەس ۋكراينداردىڭ ماقسات-مۇددەلەرىن الەمدىك دەڭگەيدە قورعايدى. باسقا حالىقتار سەكىلدى, ۋكرايندار ءۇشىن رۋحانيات, ءتىل مەن مادەنيەتتىڭ ساقتالۋى اسا ماڭىزدى ەكەنىن جەتكىزدى.
- وسى ماقسات بارىسىندا نيۋ-يوركتە, اۆستراليادا جانە باسقا ەلدەردە كونفەرەنتسيالار وتكىزدىك. سىزدەردىڭ ەلدەرىڭىزدە دە وسىنداي ءىس-شارانى ۇيىمداستىرۋ تۋرالى جوسپار بار. مەملەكەت باسشىسى نۇرسۇلتان نازارباەۆ ءار حالىقتىڭ ەتنو-مادەني بىرلەستىكتەرىنىڭ قۇرىلۋىن ماڭىزدى دەپ سانايتىنى وتە قۋانىشتى. وسى ساياساتتىڭ اياسىندا قازىر حالىق بىرلىكتە ءومىر سۇرۋدە. بۇل قازاقستان دامۋىنىڭ كىلتى , - دەدى ەۆگەني چولي.
الداعى ۋاقىتتا كيەۆتە ۋكرايندىقتاردىڭ دۇنيەجۇزىلىك كونگرەسىنىڭ ارنايى جيىنى وتپەكشى. ەۆگەني چولىي وڭىردەگى ۋكراين ەتنو-مادەني بىرلەستىگىن مۇمكىندىكتەرىنە ساي وسى ءىس-شاراعا قاتىسۋعا شاقىردى.
- ءبىزدىڭ بىرلەستىك تە جاقسى جۇمىس جاساۋدا. بىرلەستىك 1993 جىلى قۇرىلدى. قازىر ۋكراين حالقىنىڭ سالت-ءداستۇرىن, ادەت-عۇرپىن جانە مادەەيەتىن جاڭعىرتۋ, وڭىردەگى ۇلتتار دوستىعى مەن ءوزارا كەلىسىمدى نىعايتۋ, ءوزىمىز ءومىر ءسۇرىپ جاتقان قازاق ەلىنىڭ مادەني جانە ەكونوميكالىق دامۋ ۇردىسىنە ۋكرايندىقتار دا ۇلەس قوسۋدا. بىرلەستىكتە “چاريۆني سترۋنى” باندۋريستەر ۆوكالدى اسپاپتار ءانسامبىلى, “چەرنوبرىۆتسي”, “دجەرەلو” جاستار ۆوكالدى ۇجىمدارى, “ۆەسەلكا” حورەوگرافيالىق ۇجىمى بار,- دەيدى جەرگىلىكتى ۋكراين ەتنو-مادەني بىرلەستىگىنىڭ باسشىسى ميحايل پاريپسا.
وتكەن جىلى وتان سوعىسىندا ۋكراينانى ازات ەتكەن پاۆلودارلىق 50 سوعىس-ارداگەرى ۋكراينا پرەزيدەنتى پەتر پوروشەنكونىڭ اتىنان مەرەيتويلىق مەدالدار الدى. ماراپاتتار مايدانگەرلەردىڭ ۇرپاقتارىنا تارتۋ ەتىلدى. كوزى ءتىرى سەمباي تەمەشەۆ, كونستانتين ۆولوۆيكتەر كيەۆتى ازات ەتۋگە قاتىسقان.
ساپار بارىسىندا ەۆگەني چولي وبلىس اكىمىنىڭ ورىنباسارى مەيرام بەگەنتاەۆپەن كەزدەستى. ەكىباستۇزداعى شىدەرتى اۋىلىندا ورنالاسقان ۋكراين پراۆوسلاۆ شىركەۋىنە باردى.
فاريدا بىقاي
«ەگەمەن قازاقستان»
پاۆلودار
