ايتا كەتەيىك, جىل باسىنان ىشكى ىستەر ورگاندارى قالاداعى 1106 وبەكتىنىڭ 634-ءىن تەكسەرىپ شىقتى. 115-تەن استام بۇزۋشىلىقتى جويۋ تۋرالى ۇيعارىم جازىلدى, 76 تقو وبەكتىنىڭ قوجايىنى مەن باسشىسىنا جانە دە 5 كۇزەت قىزمەتىن جۇرگىزەتىن سۋبەكتى اكىمشىلىك جاۋاپكەرشىلىككە تارتىلدى. ماجىلىستە قاۋىپسىزدىكتى كۇشەيتە ءتۇسۋ ءۇشىن قالاداعى بارلىق تەرروريزمگە قارسى جۇيەنى قايتا قالىپتاستىرۋعا باعىتتالعان بىرنەشە ۇسىنىستار ايتىلدى. سونىڭ ىشىندە وبەكتىلەر مەن حالىقتى قورعاۋ پروتسەسىنىڭ ينتەراكتيۆتى جۇيەسىن ۇسىناتىن پيلوتتى جوبانى بوساتۋ. اۆتورلاردىڭ ايتۋىنشا ۇسىنىلىپ وتىرعان جۇيە ءاربىر مۇددەلى وبەكتىنىڭ اينالاسىنداعى ينفراقۇرىلىمدى دايىندىققا, كەز كەلگەن كريزيستىك جاعداي تۋىنداعان كەزدە ناقتى ارەكەتتى جوسپارلاۋعا, دەر كەزىندە قاي جاققا كوشىرۋدىڭ باعىتىن انىقتاۋعا, توتەنشە قىزمەتتىڭ كەلۋ مارشرۋتىن, جەدەل شتابتىڭ ورنالاسۋ ورنىن سحەمالى تۇردە انىقتاۋعا مۇمكىندىك بەرەدى. سونىمەن بىرگە, استاناداعى بارلىق تەرروريزمگە قارسى وبەكتىلەردىڭ قۇجاتىنىڭ تسيفرلىق نۇسقاسى جيناقتالعان جۇيە مەن «IKomek» قالالىق مونيتورينگ جانە جەدەل ارەكەت ەتۋ ورتالىعىنىڭ بازاسىمەن قامتاماسىز ەتۋدى ۇسىنۋدا. سونداي-اق جوبانى تولىقتاي كەڭ تۇردە ەنگىزۋ ءۇشىن قالاداعى بارلىق وبەكتىلەردىڭ سحەماسىن قۇراستىرۋ قاجەت, وعان كوپپاتەرلى تۇرعىن ۇيلەر دە كىرەدى, تولىقتىرۋدىڭ ءۇزىلىسسىز مەحانيزمى مەن مالىمەتتەر بازاسىن جاڭارتىپ وتىرۋ, جۇكتەلگەن كريتەريگە سايكەس مۇددەلى وبەكتى بويىنشا اقپاراتتى جەدەل تۇردە الۋعا كومەكتەسەدى, سۋبەكتىنىڭ يەلىگىنە زاردابىن تيگىزبەستەن ونلاين-مونيتورينگ جۇرگىزەدى جانە دە ءبىر مەزەتتە نەمەسە مەكەنجايعا شۇعىل حابارلاندىرۋ جىبەرەدى. جوبانى ءساتتى ىسكە اسىرعان جاعدايدا وتە كۇشتى توتەنشە وقيعالار كەزىندە جەدەل ارەكەت ەتۋدىڭ ءتيىمدى جۇيەسىن قالىپتاستىرادى. بۇل جۇمىستىڭ ناتيجەسى - قالانىڭ تەرروريزمگە قارسى بىرىڭعاي قۇجاتتارىن قالىپتاستىرۋ جۇمىسى بولماق. ءماجىلىستىڭ قورىتىندىسى بويىنشا استانا اكىمى وكىلەتتى ورگاندارعا اتالمىش ماسەلەنى تياناقتى زەرتتەپ, ايتىلعان شارالاردى ىسكە اسىرۋ تۋرالى ناقتى ۇسىنىستار ەنگىزۋدى تاپسىردى.
