سپورتتىق سايىستاردىڭ باستى ماقساتى - مەملەكەت باسشىسىنىڭ حالىققا ارناعان جولداۋىنا سايكەس ەلىمىزدەگى بۇقارالىق سپورتتى دامىتىپ, سالاۋاتتى ءومىر سالتىن ناسيحاتتاۋ. ءبىزدىڭ الدىمىزدا بيىك ماقساتتار مەن جوسپارلار تۇر. ءار ءتۇرلى دەڭگەيدەگى كوماندالاردىڭ كاسىبي دەڭگەيىن كوتەرۋ ماقساتىندا سپورتتىق ۇيىمداردى كوبەيتۋ, وبلىستىڭ قۇراما كوماندالارىنىڭ ازىرلىكتەرىن قالىپتاستىرۋ. سونىمەن قوسا, سپورت سەكتسيالارى مەن اۋلا كلۋبتارىن كۇشەيتۋدى جالعاستىرامىز, - دەدى وبلىس اكىمى ەرالى توعجانوۆ.
حالىق سپورتى ويىندارىنا رەسپۋبليكامىزدىڭ بارلىق وڭىرلەرىنەن 2 مىڭعا جۋىق سپورتشىلار قاتىسۋدا. حالىقتىق سپورت ويىندارى 1998 جىلدان بەرى وتكىزىلىپ كەلەدى. العاش رەت استانا قالاسىندا وتكىزىلگەن بولاتىن. 4 جىلدا ءبىر رەت وتەتىن كەشەندى دودادا كاسىپقوي سپورتشىلار ەمەس, سالاۋاتتى ءومىر سالتىن سەرىك ەتكەندەر ونەر كورسەتەدى. سپورتشىلار ۆولەيبول, ستريتبول, شاعىن فۋتبول, جاعاجاي ۆولەيبولى, ۇستەل تەننيسى, قازاق كۇرەسى, گىر تاسىن كوتەرۋ, قول كۇرەسى, توعىزقۇمالاق, اسىق اتۋ, پرەزيدەنتتىك كوپسايىس, ستريت ۆوركاۋت, سپورتتىق باعدارلاۋ سىندى سپورتتىق سايىستاردىڭ 13 تۇرىنەن باق سىناسادى.
