بۇل جيىندى بيىلعى ەلەۋلى وقيعالاردىڭ قاتارىنا ەنگىزۋگە بولادى. ويتكەنى, وسى جيىندا تۇركى ينتەگراتسياسى ۇدەرىسىن نىعايتۋ ءوزارا ىقپالداستىقتى ارتتىرۋ ىسىنە قاتىستى وزەكتى ماسەلەلەر تالقىلانباق. سونىمەن الداعى ءىس-شارانىڭ وزەكتىلىگىنە نەگىز بولاتىن بىرنەشە فاكتوردى اتاپ وتۋگە بولادى.
بىرىنشىدەن, تۇركى كەڭەسىنە مۇشە مەملەكەتتەر ءۇش جىلدان كەيىن ەندى باس قوسپاق. ەستەرىڭىزدە بولسا, VI سامميت 2016 جىلى شولپان اتادا ءوتۋى ءتيىس ەدى. الايدا ءتۇرلى جاعدايعا بايلانىستى جيىن كەيىنگە شەگەرىلدى.
ەكىنشىدەن, تۇركى كەڭەسىنىڭ ءسامميتى وڭىرلىك ارىپتەستىكتى نىعايتۋعا وراسان زور ۇلەس قوسادى.
ۇشىنشىدەن, تۇركى كەڭەسى قۇرىلعالى بەرى ونىڭ قۇرامىن كەڭەيتىپ, وزبەكستاننىڭ قوسىلۋىنا مۇمكىندىك تۋىپ وتىر. تۇركيا پرەزيدەنتى رەجەپ ەردوعاننىڭ بيىلعى ساۋىردەگى وزبەكستانعا ساپارىنان كەيىن تاشكەنت تاراپىنان ۇيىمعا مۇشەلىككە ءوتۋى تۋرالى اڭگىمە كوتەرىلە باستادى. ەندەشە, الداعى سامميتتە حالقى 31 ميلليوننان اساتىن, تۇركىتىلدەس مەملەكەتتەردىڭ ءبىرى وزبەكستاننىڭ كەڭەسكە قوسىلۋى بەك مۇمكىن.
قىسقاشا ايتقاندا, تۇركى كەڭەسى مەن وعان مۇشە مەملەكەتتەر وسى جيىننان كەيىن دامۋدىڭ جاڭا قارقىنىنا يە بولاتىنى ءسوزسىز.
رۋسلان ءىزىموۆ,
ساياساتتانۋشى
