جارىستىڭ العاشقى كۇنى تاجىكتىڭ ۇلتتىق سپورتى – بەلبەۋ كۇرەسى (گۋشتيني ميللي كامارباندي), سونىمەن قاتار توعىزقۇمالاق, مانگالا جانە وۆاري ويىندارى بويىنشا سايىستار وتەدى.
كوشپەندىلەر ويىندارى 2-8 قىركۇيەك اراسىندا وتەدى. بيىلعى سايىسقا 80 ەلدەن 3000-نان استام سايىپقىران كەلگەن. ولار 37 ەتنوسپورت ءتۇرى بويىنشا سىنعا تۇسەدى. سپورتشىلار 174 التىن, 173 كۇمىس, 247 قولا مەدالدى سىنعا سالادى. ويىنداردىڭ جالپى قورى – 28 ميلليون سومعا جۋىق.
ءۇشىنشى رەت ءوتىپ وتىرعان دۇنيەجۇزىلىك كوشپەندىلەر ويىندارىنا جينالعان سايىپقىراندار بىردەن بىرنەشە جەردە – اسەم تابيعاتى تامساندىراتىن, تاۋ ەتەگىندەگى تاڭعاجايىپ قىرشىن جايلاۋىندا, قىرعىزستاننىڭ كۋرورتتى قالاسى شولپان اتاداعى سپورت كەشەندەرىندە سىنعا تۇسەدى.
جالپى, دۇنيەجۇزىلىك كوشپەندىلەر ويىندارى – قىرعىزستان تاراپىنىڭ باستاماسىمەن جۇزەگە اسىپ جاتقان اۋقىمدى شارا.
