وقۋشىلاردىڭ الاڭسىز ءبىلىم الۋى ءۇشىن مەملەكەت تاراپىنان ايتارلىقتاي قولداۋ كورسەتىلىپ كەلەدى. بىرقاتار ءوڭىر جاڭا وقۋ جىلىن جاڭا مەكتەپتەرمەن باستايدى. ەلباسىنىڭ جاڭا وقۋ ورىندارىن قۇرۋ مەن ءۇش اۋىسىمدى مەكتەپ ماسەلەسىن شەشۋ بويىنشا جۇكتەگەن مىندەتىن ورىنداۋ اياسىندا مەكتەپ قۇرىلىستارى قىزۋ جۇرگىزىلۋدە.
ءبىلىم جانە عىلىم مينيسترلىگى ءباسپاسوز قىزمەتىنىڭ مالىمدەۋىنشە, بيىل رەسپۋبليكالىق بيۋدجەت ەسەبىنەن 53 ملرد تەڭگەگە 110 مەكتەپ سالىنعان. بۇعان دەيىن حابارلاعانىمىزداي, بيىل 72 مەكتەپ پايدالانىلۋعا بەرىلەدى. ونىڭ ىشىندە 49 مەكتەپ 1 قىركۇيەك كۇنى ەسىگىن اشسا, جىل سوڭىنا دەيىن 23 مەكتەپ پايدالانىلۋعا بەرىلەدى دەپ جوسپارلانعان.
72 مەكتەپتىڭ ۇشەۋى – اقمولا وبلىسىندا, ال اقتوبە وڭىرىندە – 9, الماتى وبلىسىندا – 6, شىعىس قازاقستان وبلىسىندا – 1, جامبىل وبلىسىندا – 4, باتىس قازاقستان وبلىسىندا – 3, قاراعاندىدا – 3, قىزىلوردادا – 5, ماڭعىستاۋدا – 8, تۇركىستاندا – 20, الماتى قالاسىندا – 7, استانا قالاسىندا 3 ءبىلىم وشاعى سالىنعان.
2015-2017 جىلدارى «نۇرلى جول» مەملەكەتتىك باعدارلاماسى اياسىندا مەكتەپتەردىڭ قۇرىلىسىنا 135 ملرد تەڭگە بولىنگەنىن ايتا كەتكەنىمىز ءجون. بۇل قاراجاتقا 108 مەكتەپ بوي كوتەرگەن. جالپى, 3 جىلدىڭ ىشىندە ۇلتتىق قور, رەسپۋبليكالىق جانە جەرگىلىكتى بيۋدجەت ەسەبىنەن 347 جاڭا مەكتەپ سالىنعان. ياعني 235 جاڭا ءبىلىم وشاعىن سالۋ جوسپارلانعانىمەن, جوسپار 147 پروتسەنتكە اسىرا ورىندالدى.
مينيسترلىك وكىلدەرىنىڭ ايتۋىنشا, بيىل جەكەمەنشىك مەكتەپتەردىڭ قۇرىلىسىن ىنتالاندىرۋ بويىنشا شارالار ناتيجەلى جۇرگىزىلۋدە. اتاپ ايتساق, ء«بىلىم تۋرالى» زاڭعا سايكەس, مەملەكەتتىك ءبىلىم بەرۋ تاپسىرىسىن جەكەمەنشىك مەكتەپتەرگە ورنالاستىرۋعا مۇمكىندىك بەرەتىن تولىقتىرۋلار ەنگىزىلدى.
جاڭا وقۋ جىلىنىڭ جاعىمدى جاڭالىقتارىنىڭ ءبىرى تسيفرلاندىرۋ, IT تەحنولوگيالار مەن روبوتوتەحنيكانى دامىتۋ ءۇشىن قوسىمشا ءبىلىم بەرۋ مۇمكىندىكتەرىنىڭ كەڭ ارناعا تۇسكەندىگى. وڭىرلەردەگى جەرگىلىكتى اتقارۋشى ورگاندار روبوتوتەحنيكا, باعدارلامالاۋ, 3D-پرينتينگ سىنىپتارىن اشۋدا ىلكىمدى ىستەرمەن قۋانتۋدا. قازىرگى ۋاقىتتا 1 500 مەكتەپتە تسيفرلانعان سىنىپتار جۇمىس ىستەيدى. الداعى ۋاقىتتا بارلىق وڭىردە IT-ليتسەيلەرىن اشۋ جوسپارلانعان. ودان بولەك تسيفرلى ءبىلىم بەرۋ رەسۋرستارى بەلسەندى قولدانىلىپ, مينيسترلىك ۇسىنىسىمەن جاڭا وقۋ جىلىنان باستاپ ءار بالاعا جەكە لوگين بەرىلەدى. ەندى تسيفرلى رەسۋرستار ۇيدە دە, مەكتەپتە دە بارىنە قولجەتىمدى بولادى.
ميراس اسان,
«ەگەمەن قازاقستان»
