ماڭعىستاۋلىق ءىىد قىزمەتكەرلەرى بالالار قاۋىپسىزدىگىن تالقىلادى

ايماقتار • 29 تامىز، 2018

ماڭعىستاۋلىق ءىىد قىزمەتكەرلەرى بالالار قاۋىپسىزدىگىن تالقىلادى

274 رەت كورسەتىلدى

ماڭعىستاۋ وبلىستىق ءىىد قىزمەتكەرلەرى، وبلىستىق ءبىلىم باسقارماسى وكىلى جانە ۇكىمەتتىك ەمەس ۇيىمدارىنىڭ وكىلدەرىمەن ء«جاسوسپىرىم» ماقساتتى جەدەل-پروفيلاكتيكالىق ءىس-شاراسى تاقىرىبىندا باس قوستى. بالالاردىڭ قاتىسۋىمەن جول-كولىك وقيعالارىنىڭ الدىن الۋ، 2018-2019ج.ج. وقۋ جىلىنىڭ قارساڭىندا بالالاردىڭ كوشەلەر مەن جولدارداعى قاۋىپسىزدىگى، جاسوسپىرىمدەر پروفيلاكتيكاسىن ماقسات ەتكەن شارانى ءىىد باستىعىنىڭ ورىنباسارى پوليتسيا پولكوۆنيگى بەردىبەك نىسانباەۆ جۇرگىزدى.

Egemen Qazaqstan

پروفيلاكتيكاسىن نىعايتۋ باعىتىندا قابىلدانىپ جاتقان شارالار مەن وبلىس اۋماعىندا 01-10.09.2018 جىلى وتەتىن رەسپۋبليكالىق «ابايلاڭىز، بالالار!» جەدەل-پروفيلاكتيكالىق ءىس-شاراسى جايىندا ماڭعىستاۋ وبلىسى ءىىد جەرگىلىكتى پوليتسيا قىزمەتى جول قوزعالىسىن ۇيىمداستىرۋدى قاداعالاۋ بولىمشەسىنىڭ باستىعى پوليتسيا پودپولكوۆنيگى ق.ايعاراقوۆ باياندادى.

-2018 جىلدىڭ 7 ايىندا بالالاردىڭ قاتىسۋىمەن جالپى 24 جول-كولىك وقيعاسى تىركەلىپ، 2 كامەلەتكە تولماعان بالا كوز جۇمىپ، 26 بالا ءار ءتۇرلى دەنە جاراقاتىن الدى. وتكەن جىلدىڭ وسى كەزەڭىمەن سالىستىرعاندا جول-كولىك وقيعالارى 42،9 %، ياعني 42-دەن 24-گە دەيىن، قايتىس بولعاندار 50%، 4-تەن 2-گە دەيىن، جاراقات العاندار -36،6%، 41-دەن 26-عا دەيىن تومەندەگەنىن كورسەتتى، دەدى ول.

سونىمەن قاتار، قازاقستان رەسپۋبليكاسى ءبىلىم جانە عىلىم مينيسترلىگى 2018 جىلعى 1 تامىزدان باستاپ 30 قىركۇيەك ارالىعىندا «مەكتەپكە جول» ءداستۇرلى جالپى رەسپۋبليكالىق قايىرىمدىلىق اكتسياسى جانە كامەلەتكە تولماعاندار، ونىڭ ىشىندە توپپەن جاسالعان قىلمىستاردى، كامەلەتكە تولماعانداردىڭ الكوگولدى، ەسىرتكى جانە پسيحوتروپتىق زاتتاردى تۇتىنۋ، ولاردىڭ تۇنگى ۋاقىتتا زاڭدى وكىلدەرىنىڭ ەرىپ ءجۇرۋىنسىز ۇيدەن تىس جانە ويىن ساۋىق-ورىنداردا بولۋ فاكتىلەرىن انىقتاۋ جانە جولىن كەسۋ، سونداي-اق كامەلەتكە تولماعانداردان زاڭسىز ساقتالاتىن زاتتاردى تاركىلەۋ ماقساتىندا وبلىس اۋماعىندا 27.08.-05.09.2018 جىلى رەسپۋبليكالىق ء«جاسوسپىرىم» جەدەل-پروفيلاكتيكالىق ءىس-شاراسى وتكىزىلىپ جاتقاندىعى جانە 15-18 تامىزدا «كامەلەتكە تولماعاندارعا الكوگول ونىمدەرى مەن تەمەكى بۇيىمدارىن ساتۋعا جانە ساتىپ الۋعا جول بەرمەۋ» جەدەل-پروفيلاكتيكالىق ءىسشاراسىندا قالا ىشىندەگى كوڭىل كوتەرۋ كافە-بارلار، كومپيۋتەرلىك جانە دۇكەندە تەكسەرىلىپ، تۇنگى ۋاقىتتا سپيرتتىك جانە الكوگولدىك،قورقور ونىمدەرىن زاڭسىز ساتۋ فاكتىلەرى بويىنشا ماڭعىستاۋ وبلىسى ءىىد جپق اعا ينسپەكتورى پوليتسيا كاپيتانى ك.كىليشاەۆا باياندادى.

-قر اقبتك 132 بابىمەن جاسوسپىرىمدەردىڭ تۇنگى مەزگىلدە ويىن-ساۋىق مەكەمەلەردە بولۋى بويىنشا 4 اكىمشىلىك حاتتاما، جاسوسپىرىمدەرگە تەمەكى بۇيىمىن ساتۋ بويىنشا 10 قۇقىقبۇزۋشىلىق، ياعني «ريما»، «يرين»، «ەرداۋلەت»، «بالجان، «الەكس»، «راحمەت»، ت.ب. دۇكەن يەلەرى اكىمشىلىك جاۋاپكەرشىلىككە تارتىلدى. قر اقبتك 442-بابىنىڭ 1-بولىگى كامەلەتكە تولماعانداردىڭ تۇنگى ۋاقىتتا ويىن-ساۋىق مەكەمەلەردە بولۋى بويىنش -6 كامەلەتكە تولماعان ءجاسوسپىرىم تۇنگى ۋاقىتتا زاڭدى وكىلدەرىنىڭ ەرىپ ءجۇرۋىنسىز ساعات 22-دەن كەيىن ويىن-ساۋىق مەكەمەلەردە ياعني 11 ش/ا «پلەي گراۋند» كومپيۋتەرلىك كلۋبىندا جۇرگەنى انىقتالىپ، ىشكى ىستەر باسقارماسىنا جەتكىزىلىپ، اتا-انالارىنا حاتتامالار تولتىرىلدى. وسىنداي وقيعالاردىڭ وقۋ كەزەڭىندە بەلەڭ الىپ كەتپەۋى ءۇشىن 27.08.-05.09.2018 جىلى ارالىعىندا رەسپۋبليكا كولەمىندە ء«جاسوسپىرىم» جەدەل-پروفيلاكتيكالىق ءىس-شاراسى اۋقىمدى كولەمدە قايتا وتكىزىپ وتىر، دەدى ول.

ستاتيستيكالىق مالىمەتتەر بويىنشا جىل باسىنان بەرى تۇنگى ۋاقىتتا زاڭدى وكىلدەرىنىڭ ەرىپ ءجۇرۋىنسىز ءۇي-جايدان تىس 2445 حاتتاما جانە ويىن ساۋىق-ورىنداردا (ساعات 22:00دەن تاڭعى 06:00 گە دەيىن كافە، رەستوران، بار، كومپيۋتەر كلۋب) ءجۇرۋ فاكتىلەرى بويىنشا جالپى 47 حاتتاما اتا-انالارعا تولتىرىلعان.

وسىنداي قۇقىقبۇزۋشىلقتاردى بولدىرماۋ جانە الدىن الۋ ماقساتىندا ءتارتىپ ساقشىلارى مەن قۇزىرلى ورگان جانە باق وكىلدەرىمەن بىرلەسكەن وبلىس ايماعىندا اۋقىمدى رەيد جۇرگىزىلمەك.

گۇلايىم شىنتەمىرقىزى،

«ەگەمەن قازاقستان»

ماڭعىستاۋ وبلىسى

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز