وڭتۇستىك كورەياعا وقۋ كۋرسىنا كەتكەن قازاقستاندىق ستۋدەنتتەردىڭ زاڭسىز كەلىمسەكتەر رەتىندە كەرى قايتارىلعانى بەلگىلى بولدى. قر سىرتقى ىستەر مينيسترلىگىنىڭ رەسمي وكىلى وسى وقيعاعا قاتىستى پىكىر ءبىلدىردى.
ء«بىز بۇل وقيعادان حاباردارمىز. ءبىر توپ ستۋدەنت كورەياداعى قازاقستان ەلشىلىگىنە كومەككە جۇگىندى», دەدى ايبەك سمادياروۆ.
ەكى ەل ۇكىمەتى اراسىنداعى 2014 جىلعى 29 قاراشادان باستاپ كۇشىنە ەنگەن ۆيزالىق تالاپتاردى ءوزارا جويۋ كەلىسىمىنە سايكەس, ۇلتتىق پاسپورتى بار, جۇمىس ىستەۋدى, وقۋدى نەمەسە تۇرۋدى جوسپارلاماعان ەكى ەلدىڭ ازاماتتارى 30 كۇنگە دەيىن بارىپ-كەلە الادى.
«بۇل جاعدايدا قازاقستاندىق ستۋدەنتتەر وڭتۇستىك كورەيانىڭ كوشى-قون زاڭدارىن بۇزدى جانە ەلدەن قۋىلدى. ستۋدەنتتەر نەمەسە ساپاردى ۇيىمداستىرعان كومپانيا وڭتۇستىك كورەيانىڭ قازاقستانداعى ەلشىلىگىمەن بايلانىسىپ, بار جاعدايدى ءتۇسىندىرۋى ءتيىس. ءارى قاراي ماسەلەنىڭ شەشىلۋى كورەي تاراپىنىڭ قۇزىرىندا بولماق», دەيدى قر ءسىم ءباسپاسوز حاتشىسى.
