جەڭىل كولىكتە بولعان 37 جاستاعى پاۆلودار وبلىسى مادەنيەت, ارحيۆتەر جانە قۇجاتتاما باسقارماسىنىڭ باسشىسى ارداق رايىمبەكوۆ جانە ونىڭ ايەلى مەن ءۇش جاسار بالاسى قازا تاپتى. كولىكتە وتىرعان 53 جاستاعى ايەل ادام دا ومىردەن وزدى.
جول كولىك وقيعاسى ورىنىنان ءتۇرلى جاراقاتتارمەن 57 جاستاعى ەر ادام مەن 27 جاستاعى ايەل ادام ەمحاناعا جەتكىزىلدى. اقپاراتتى وبلىس اكىمىنىڭ ءباسپاسوز قىزمەتىندە راستاپ, ارداق رايىمبەكوۆتىڭ دەمالىستا بولعانىن جەتكىزدى. جەدەل جاردەم قىزمەتىنىڭ مالىمدەۋىنشە, شاقىرۋ تۇنگى ساعات 00:14-تە تۇسكەن. وقيعا ورىنىنا ءبىرىنشى بولىپ چەرنوە اۋىلىنىڭ دارىگەرلەرى, نوۆويامىشەۆ جانە اققۋ اۋىلىنىڭ جەدەل جاردەمى جەتكەن. پوليتسيا جول كولىك وقيعاسى بويىنشا قىلمىستىق ءىستى تەرگەۋدە. بارلىق ساراپتامالار تاعايىندالعان.
