ەسكە سالساق, استانا كۇنىنە وراي قىزىلوردا وبلىسىنىڭ تارتۋى رەتىندە اشىق اسپان استىنداعى مۇراجاي ۇلگىسىندەگى زىمىران-عارىشتىق تەحنيكا ەكسپوزيتسياسىنىڭ تانىستىرىلىمى وتكەن بولاتىن. زىمىران-عارىشتىق تەحنيكا ەكسپوزيتسياسىنىڭ اشىلۋىنا مەملەكەت باسشىسى نۇرسۇلتان نازارباەۆ قاتىسقان بولاتىن.
ايتا كەتەيىك, اشىق اسپان استىنداعى مۇراجاي ەكسپوزيتسياسى استانانىڭ سول جاعالاۋىندا 1,4 گەكتار اۋماقتا ورنالاسقان. وسىعان دەيىن كورمە اۋماعىندا «سويۋز», «پروتون», «زەنيت» زىمىران-تاسىعىشتارىنىڭ شىنايى كولەمدەگى ۇلگىلەرى قويىلعان بولاتىن. سونداي-اق تەحنيكالىق سيپاتتامالارى, جاسالۋ جانە قولدانىلۋ تاريحى, ياعني زىمىراندار تۋرالى بارلىق اقپارات كورسەتىلگەن ارنايى اقپاراتتىق ستەندتەر ورناتىلعان.
«بۋران»- بۇل «ەنەرگيا-بۋران» باعدارلاماسى اياسىندا قۇرىلعان كەڭەستىڭ قايتا پايدالانۋعا بولاتىن كولىك كەڭىستىگىنىڭ وربيتالىق كەمەسى. «ەنەرگيا-بۋران» حالىقارالىق عارىشتىق ستانتسياسىن قۇرۋ كەڭەستىك عارىش تاريحىنداعى ەڭ اۋقىمدى جانە قاجىرلى ەڭبەكتى قاجەت ەتكەن باعدارلاما بولدى. 18 جىل ىشىندە حالىقارالىق عارىشتىق ستانتسياسى ءۇشىن 1286 كاسىپورىن مەن ۇيىمداردا, 86 مينيسترلىك پەن ۆەدومستۆولاردا 1 ميلليوننان استام ادام جۇمىس ىستەدى, ەلدىڭ ءىرى عىلىمي-وندىرىستىك ورتالىقتارى تارتىلدى. «بۋران» عارىش كەمەسىنىڭ قونۋى ءۇشىن «بايقوڭىر» عارىش ايلاعىندا ۇشۋ-قونۋ جولاعى جاقسارتىلعان «يۋبيلەينىي» اەرودرومى سالىنعان.
