قازاقستاندىق سپورتشى 200 مەترلىك قاشىقتىقتى 40:093 كورسەتكىشىمەن ەڭسەردى, قولا بەلورۋستىق سپورتشى ۆيتالي ازەتسكيدىڭ ەنشىسىندە (40:190), التىن مەدالدى رەسەيلىك سپورتشى نيكيتا نەكراسوۆ يەلەندى (39:767).
ايتا كەتەيىك, يۋنيورلار (18 جاس جانە ودان دا تومەن) مەن جاسوسپىرىمدەر اراسىنداعى ( 23 جانە ودان جاس) اراسىنداعى كانوە مەن بايداركا ەسۋدەن الەم چەمپيوناتى بولگاريانىڭ پلوۆديۆ قالاسىندا 26 شىلدەدەن بەرى ءجۇرىپ جاتىر. فينال ەرتەڭ 29 شىلدەدە وتەدى. كەشە قازاقستاندىق التىنبەك قوجاحمەتوۆ 1000 مەترلىك قاشىقتىقتا كۇمىس مەدالدى يەلەنگەن بولاتىن. سونىمەن قاتار, يۋنيور قىزدار اراسىندا كانوەشى گۇلجاينا تىنىبەكوۆا 500 مەترلىك قاشىقتىقتا بەسىنشى ورىننان كورىندى.
جارىسقا الەمنىڭ 67 مەملەكەتىنەن سپورتشىلار قاتىسىپ جاتىر. قازاقستاندى 17 سپورتشى باستاپ باردى. ولاردىڭ 12-ءسى كىشى جانە بەسەۋى ەرەسەك توپتا ونەر كورسەتەدى.
