جانكەنت - سىر بويىنداعى ورتاعاسىرلىق قالا. ءحى-ءحىى عاسىرلاردا وعىز مەملەكەتىنىڭ استاناسى بولعان شاھاردىڭ ورنى قازىرگى وركەندەۋ اۋىلىنىڭ ماڭىندا ورنالاسقان. وعان الىس-جاقىن ايماقتاردان تۋريستەر بارادى جانە وندا ارحەولوگتار دا زەرتتەۋ جۇمىستارىن جۇرگىزىپ كەلەدى.
- وركەندەۋ اۋىلىنا جانكەنت دەگەن تاريحي اتاۋدىڭ بەرىلۋى مەرەيىمىزدى ءوسىردى. بۇل كوپتىڭ كوكەيىندە جۇرگەن ماسەلە بولاتىن. سەبەبى, پاتشا وتارشىلدىعى مەن كەڭەس زامانىندا قازاقتىڭ جەر-سۋ اتتارىن وزگەرتۋ, حالىقتى تاريحي جادىنان ايىرۋ جاعدايلارى كوپ بولدى. بۇل ولقىلىقتىڭ ورنىن تولتىرۋ ءۇشىن اۋىل تۇرعىندارى مەن قوعامداستىق مۇشەلەرى جينالىس جاساپ, «قازالى اۋدانى, وركەندەۋ اۋىلدىق وكرۋگى وركەندەۋ اۋىلىنا جانكەنت اتاۋىن قايتا بەرۋ تۋرالى» ۇسىنىستى ءبىراۋىزدان قولدادى, - دەيدى وركەندەۋ اۋىلدىق وكرۋگىنىڭ اكىمى ءنابي ۇرگەنىشباي.
جانكەنت - بۇكىل تۇركى جۇرتىنا ورتاق تۇلعا, ءتۇبى ءبىر اعايىنداردى ءبىر ورتاق شاڭىراققا بىرىكتىرىپ وتىرعان قورقىت بابانىڭ تۋعان جەرى. سوندىقتان دا ەل ەسكى اتاۋدىڭ قايتا ورالعانىنا قۋانىشتى.
باقتيار تايجان,
«ەگەمەن قازاقستان».
