قازاقتىڭ تۇگەسىلىپ بارا جاتقان اسىل تۇقىمدى اقباس سيىرىنىڭ ءىزىن ىندەتىپ, زەرەندى اۋدانىنا ىسساپارعا بارعانبىز. اۋىلعا ەنە بەرگەنىمىزدە قامشىلار جاق قاناتتاعى ءبىر وڭكەي جەر ۇيلەردىڭ البارىندا ءبىر توپ بالا ساۋىرىنا الدەنە بايلاعان كوكشۋلان, دۇرەگەي توبەتتى قۋالاپ ءجۇر ەكەن. شەتىن كورىنىسكە نازار اۋدارعانبىز.
– يت كويلەك قوي, – دەدى قاراقالپاقستاننان قونىس اۋدارعان مۇگىلسىم اپاي, – تۋعان ەلگە ءتاۋ ەتكەلى دۇنيەگە كەلگەن تۇڭعىش نەمەرەم. يت كويلەك دەگەن ءسوزدى ەستىپ پە ەدىڭىزدەر.
– ەستىدىك. بىراق...
– جاس ءسابي اياعىن اپىل-تاپىل باسقاندا كويلەگىن شەشىپ الىپ, جەڭدەرىن ءتۇيىپ, ىشىنە ءتاتتى توقاش, كامپيت, قۇرت سالادى دا ءيتتىڭ ارقاسىنا بايلايدى. سودان سوڭ الگى ءيتتى بالالارعا قۋعىزادى. قۋىپ جەتكەنى يت ارقالاعان تاتتىدەن اۋىز تيمەك. ءسابيدىڭ بويىنداعى دەرت بولسا, الگى يتكە كوشەدى دەگەن ۇعىم بار. بۇرىنعىنىڭ جوسىعى.
الدەقاشان ەل ەسىنەن شىققان كونە ىرىم. سان عاسىر بويى دالانىڭ دانالىعىن جيعان جۇرتتىڭ جورامالى, عۇرپى. اسىلى بۇرىنعىلار بىردەڭە بىلگەن عوي.
ءسابيدىڭ ساۋلىعىنا سەبى تيەر كونە ىرىمدى مەن دە جاساسام با ەكەن؟..
بايقال ءبايادىل,
«ەگەمەن قازاقستان»
