كەزدەسۋ بارىسىندا ەلدىڭ باسەكەگە قابىلەتتىلىگىن ارتتىرۋدىڭ نەگىزگى فاكتورلارىنىڭ ءبىرى رەتىندە قازاقستاندا تۋريزم سالاسىن دامىتۋ ماسەلەلەرى تالقىلاندى.
«Globalink Logistics Group» باس ديرەكتورى سيديك حان, «Masterconcept Consulting GmbH» كومپانياسىنىڭ پرەزيدەنتى گەرنوت لەيتنەر جانە «Alina» كومپانيالار توبىنىڭ پرەزيدەنتى ەرلىك بالفانباەۆ كەڭەسكە قاتىسۋشىلاردىڭ نازارىنا «ىلە الاتاۋى» تاۋ شاڭعىسى تۋريستىك كلاستەرىن دامىتۋ جوباسىن, ءتۋريزمدى دامىتۋدىڭ قازىرگى جاعدايىنىڭ تالداۋىن ۇسىندى جانە وسى سالادا قازاقستاننىڭ مۇمكىندىكتەرىن ىسكە اسىرۋ بويىنشا ۇسىنىستار جاسادى.
مادەنيەت جانە سپورت ۆيتسە-ءمينيسترى ەرلان قوجاعاپانوۆ قازىرگى ۋاقىتتا مەملەكەت باسشىسىنىڭ تاپسىرماسى بويىنشا ۇكىمەت ءتۋريزمدى دامىتۋدىڭ مەملەكەتتىك باعدارلاماسىنىڭ جوباسىن ازىرلەپ جاتقانىن جانە وسى پروتسەسكە ساراپشىلاردىڭ قاتىسۋى ازىرلەۋشىلەر ءۇشىن وتە ماڭىزدى ەكەنىن اتاپ ءوتتى. باعدارلامادا ينفراقۇرىلىمدىق جانە ماركەتينگتىك ماسەلەلەردى, تۋريستەرگە ارنالعان مەملەكەتتىك قولداۋ جانە قاۋىپسىزدىك شارالارىن قاراستىرۋ كوزدەلگەن. جوبالاردى مەملەكەتتىك-جەكەشەلىك سەرىكتەستىك اياسىندا ىسكە اسىرۋ جوسپاردا بار.
ساراپتاما كەڭەسى مۇشەلەرىنىڭ پىكىرىنشە, ەلىمىزدىڭ الەۋەتى جىلدىڭ بارلىق ءتورت ماۋسىمىندا قازاقستاندى تۋريستىك ورىن رەتىندە دامىتۋ ءۇشىن جەتكىلىكتى تۇردە جوعارى. تابيعي كليماتتىق جاعدايلار جاعاجايلىق ءارى تاۋ شاڭعىسى دەمالىس ورىندارىن دامىتۋعا مۇمكىندىك بەرەدى. تۋريستەردىڭ ءارتۇرلى ساناتتارى ءۇشىن ىستىق كۇن, قۇم جانە كولدەر, كاسپي تەڭىزى بار, ونىمەن قوسا قار, شاڭعى, ءتۇرلى تاۋ ويىندارى, مۋزىكا, فيلمدەر مەن فەستيۆالدار, تابيعات, دالالار, ەكوتۋريزم, قىمبات ەمەس ىشكى تۋريزم, ساۋىقتىرۋ ورتالىقتارى, باي مادەنيەت پەن مۇرانى زەرتتەۋ مۇمكىندىگى دە بار.
بۇدان وزگە, وتىرىس بارىسىندا پىكىرتالاستارعا «سەنتراس» كومپانيالار توبىنىڭ باس ديرەكتورى ە.ابدىرازاقوۆ, «Resmi كومپانيالار توبى» اق ديرەكتورلار كەڭەسىنىڭ توراعاسى ق.ماجىباەۆ, Centrاsia Group ديرەكتورلار كەڭەسىنىڭ توراعاسى ا.قۇدايبەرگەن, «Arman Holding» كومپانياسىنىڭ پرەزيدەنتى س.بيسەكەەۆ جانە ت.ب. قاتىستى.
