كونفەرەنتسيا بارىسىندا شەتەلدىك سەرىكتەستەر مەن قوناقتار اەا رەزيدەنتتەرىنىڭ ەرەكشە شارتتارىمەن, ءساتتى ىسكە اسىرىلعان جوبالارمەن, الداعى جوسپارلارمەن جانە دامۋ تاجىريبەسىمەن تانىستى.
«بۇگىنگى وتكىزىلىپ جاتقان شارا «وڭتۇستىك» اەا باسقارۋشى كومپانياسىنىڭ, اەا رەزيدەنتتەرىنىڭ, ۋاكىلەتتى مەملەكەتتىك ورگانداردىڭ, سونداي-اق الەۋەتتى وتاندىق جانە شەتەلدىك ينۆەستورلاردىڭ تىكەلەي كەلىسسوزدەر جۇرگىزۋىنە ارنالعان الاڭ, بۇل ءوز كەزەگىندە ەلىمىزدەگى ارنايى ەكونوميكالىق ايماقتاردىڭ قىزمەتىن جەتىلدىرۋدى جالعاستىرۋعا مۇمكىندىك بەرەدى», - دەدى ب. قانەشەۆ.
شارا بارىسىندا تىكەلەي شەتەلدىك ينۆەستيتسيالاردى تارتۋدىڭ وزەكتى ماسەلەلەرى, مەملەكەتتىك قولداۋ شارالارى جانە ارنايى ەكونوميكالىق ايماقتار مەن يندۋستريالدى ايماقتاردى دامىتۋدىڭ ءتيىمدى جولدارى تالقىلاندى.
سونداي-اق, فورۋم اياسىندا اەا دامىتۋ تۋرالى زاڭ جوباسىن جانە پروبلەمالىق ماسەلەلەردى تالقىلاۋ بويىنشا دوڭگەلەك ۇستەل وتكىزىلدى, وندا وڭ حالىقارالىق تاجىريبەنى ەسكەرە وتىرىپ, اەا باسقارۋ كومپانيالارىنىڭ ءوزىن-ءوزى قامتاماسىز ەتۋ ماسەلەلەرى قوزعالدى.
بۇل شارا ساراپتامالىق ۇيىمدار, مەملەكەتتىك ورگاندار, اەا جانە يا باسقارۋ ورگاندارى اراسىنداعى ءوزارا ءتيىمدى ىنتىماقتاستىققا جانە ىسكەرلىك قارىم-قاتىناستاردى نىعايتۋعا ارنالعان ديالوگتىق الاڭ بولماق.
ەسكە سالا كەتەيىك, وڭىرلەردىڭ قارقىندى دامۋىن جانداندىرۋ, تەحنولوگيالار, ينۆەستيتسيالار تارتۋ, تيىمدىلىگى جوعارى جانە باسەكەگە قابىلەتتى ءوندىرىس ورىندارىن قۇرۋ ماقساتىندا مەملەكەت باسشىسىنىڭ جارلىعىمەن قازاقستان رەسپۋبليكاسىندا 11 ارنايى ەكونوميكالىق ايماق قۇرىلدى. وڭىرلەردى كلاستەرلىك دامىتۋ ماقساتىندا اەا ءتۇرلى سالالىق باعىتتارعا يە. ماسەلەن, «وڭتۇستىك» اەا توقىما ءوندىرىسى مەن حيمياعا, مۇناي حيمياسىنا, «يتپ» اەا اقپاراتتىق تەحنولوگيالارعا, «پاۆلودار» اەا حيميا مەن مۇناي حيمياسىنا, «سارىارقا» اەا مەتاللۋرگيا مەن اۋىر ماشينا جاساۋعا مامانداندىرىلعان.
