استانا قالاسىنىڭ قالاماڭى قاتىناستارىندا قولما-قول اقشاسىز ەلەكتروندىق كارتا ارقىلى تولەۋ 1 كيلومەتر ءۇشىن 8,0 تەڭگەگە تەڭ. ال قالاماڭى قاتىناستارىندا قولما-قول اقشامەن ەسەپ ايىرىسۋ 1 كيلومەتر ءۇشىن 11,5 تەڭگە بولادى. ەگەر ەلەكتروندىق كارتانى وقيتىن ۆاليداتورلار جۇمىس ىستەمەي تۇرسا, جولاۋشىلار اۆتوبۋستا تەگىن جۇرۋگە قۇقىلى.
كولىك كارتاسىن پايدالانۋ كەزىندە:
- جول اقىسىن كارتا ارقىلى تولەگەن كەزدە 60 مينۋت ىشىندە قالا ىشىلىك جانە ەكسپرەسس- مارشرۋتتاردا تەگىن جۇرۋگە بولادى;
- قالا ماڭى باعىتتارىندا 60 مينۋت ارالىعىندا تەك ءبىر اۆتوبۋستى اۋىستىرىپ وتىرۋعا بولادى;
كولىك كارتاسى تەك ءبىر جولاۋشىنىڭ جول ءجۇرۋىن جۇزەگە اسىرۋعا مۇمكىندىك بەرەدى. جول كارتاسىنىڭ جارامدىلىق مەرزىمى 5 جىل. كەپىلدىك مەرزىمى – 2 جىل. ال تولىقتىرىلعان قارجىنى «ترانسپورتنىي كوشەلەك» ارقىلى شەكتەۋسىز پايدالانۋعا بولادى;
اقشالاي تولەم جاساعان كەزدە جولاۋشىعا ءبىر رەتتىك جول ءجۇرۋ بيلەتى بەرىلەدى.
جولاقى تولەۋدىڭ ەلەكتروندى جۇيەسىنىڭ ارتىقشىلىقتارى قانداي؟
- وسىعان ۇقساس جۇيەلەرمەن سالىستىرعاندا بۇل جۇيە ءجۇرۋ اقىسىن قولما-قول اقشامەن تىكەلەي كولىك قۇرالىندا تەرمينال ارقىلى جۇرگىزۋشىگە بەرە وتىرىپ, ءبىر جولعى جول ءجۇرۋ قۇجاتىن الۋعا مۇمكىندىك بەرەدى.
- كولىك كارتالارىنا ءبىر مەزگىلدە بىرنەشە تاريفتەردىڭ جۇكتەۋ مۇمكىندىگى;
- باسقا اۆتوبۋستارعا قوسىمشا اقى تولەمەي-اق اۋىسىپ جۇرۋگە مۇمكىندىك;
سونىمەن قاتار, ەجك-ى جول ءجۇرۋ قۇجاتتارىنىڭ كەلەسى تۇرلەرىن ۇسىنادى:
- ءبىر رەتتىك جول ءجۇرۋ قۇجاتى, قاعاز تۇرىندە ءبىر ساپارعا جانە قازىرگى ۋاقىتقا, تەك ءبىر كولىك قۇرالىنا بەرىلگەن;
- تولىقتىرۋعا بولاتىن كولىك كارتاسى (پلاستيكالىق) ۇزاق پايدالانۋ مۇمكىندىگىن جانە بىرنەشە تاريف تۇرلەرىن جۇكتەۋگە مۇمكىندىك بەرەدى;
- مەكتەپ كولىك كارتاسى;
- جەڭىلدىكتى كولىك كارتاسى;
- كولىكتىك بيلەت (جۇمساق كەلگەن, تولىقتىرۋ مۇمكىندىگى قاراستىرىلماعان كولىك كارتاسى شەكتەۋلى ساپارعا ارنالعان).
وقۋشىلار قانشا تولەيدى؟
15 جاسقا تولماعان بالالارعا ارنالعان اتاۋلى كولىكتىك كارتانى پايدالانۋشىلار ءۇشىن جولاقىسىنىڭ قۇنى 40 تەڭگەنى قۇرايدى. كولىكتىك كارتانى مەكتەپ وقۋشىسى ءوزى وقيتىن وقۋ ورنىنان الادى.
كارتانى راسىمدەۋ ءۇشىن مەكتەپ وقۋشىسى تۋ تۋرالى كۋالىگىن, فوتو سۋرەتىن تاپسىرۋى كەرەك. العاشىندا كارتا تەگىن بەرىلەدى. وقۋشى مەكتەپ كارتاسىن جوعالتقان جاعدايدا, ونىڭ باسىپ شىعارىلۋىنىڭ قۇنى 400 تەڭگە بولماق. مەكتەپ وقۋشىلارىنا ارنالعان كارتا اتاۋلىلاردىڭ قاتارىندا. ونى ەكىنشى تۇلعا قولدانا المايدى.
مەكتەپتە كارتانى راسىمدەۋگە وقۋشىنىڭ اتا-اناسى باس تارتسا, وقۋشىنىڭ اتا-اناسى نەمەسە قامقورشىسى قاجىمۇقان, 14 مەكەن-جايى بويىنشا ورنالاسقان تولەم جۇيەلەرى دەپارتامەنتىنە بارۋى ءتيىس. وزىڭىزبەن بىرگە بالانىڭ تۋ تۋرالى كۋالىگىن, اتا-انانىڭ بىرەۋىنىڭ تولقۇجاتىن, (بالا جانىندا بولماعان جاعدايدا) بالانىڭ 3ح4 سۋرەتىن الىپ كەلۋى كەرەك.
اتاۋلى مەكتەپ كارتاسىن باسقا قالالاردىڭ وقۋشىلارى دا الا الادى. ول ءۇشىن بالالار ءوز اتا-انالارىمەن, زاڭدى وكىلدەرىمەن بىرگە كارتالاردى بەرۋ پۋنكتتەرىنە كەلىپ, 400 تەڭگە تولەۋى كەرەك.
ورتالىق كاسسانىڭ مەكەن-جايى: قاجىمۇقان كوشەسى 14. كاسسانىڭ جۇمىس رەجيمى: دس-جم ساعات 9:00-دەن 18:00-گە دەيىن ءۇزىلىسسىز.
ءوز اتىنا جازىلعان جەڭىلدىك كارتاسى كىمدەرگە بەرىلەدى؟
ءوز اتىنا جازىلعان كارتانى «ۆەدومستۆوارالىق الەۋمەتتىك تولەم ەسەپ ايىرىسۋ ورتالىعىندا» (ۆاتەو) ەسەپتە تۇراتىندار – «ازاماتتارعا ارنالعان ۇكىمەت» مەملەكەتتىك كورپوراتسياسى» ۇاق فيليالى استانا ق. بويىنشا (استانا ق. بويىنشا ءماتو) جانە كەلەسى ساناتقا جاتاتىندار الادى:
جاس بويىنشا زەينەتكەرلەر جانە قىزمەت وتكەرگەن جىلدار, سونىمەن قاتار جاسىنا بايلانىستى مەملەكەتتىك الەۋمەتتىك جاردەماقى الاتىندار جانە اسىراۋشىسىنان ايىرىلعاندار, زەينەت جاسىنا جەتكەندەر; كوپبالالى انالار; كوپبالالى وتباسىلار; مۇگەدەكتەر; 18 جاسقا دەيىنگى مۇگەدەك بالالار; ونىڭ ىشىندە اتا-انالارىنىڭ ءبىرى (زاڭدى وكىلى); ۇلى وتان سوعىسى مۇگەدەكتەرى مەن قاتىسۋشىلارى جانە سوعان تەڭەستىرىلگەندەر.
جەڭىلدىك ترانسپورت كارتاسىن تەك «ۆەدومستۆوارالىق الەۋمەتتىك تولەم ەسەپ ايىرىسۋ ورتالىعىندا» (ۆاتەو) – «ازاماتتارعا ارنالعان ۇكىمەت» مەملەكەتتىك كورپوراتسياسى» ۇاق فيليالى استانا ق. بويىنشا (استانا ق. بويىنشا ءماتو) ەسەپتە تۇراتىندار الادى.
بايلانىس-ورتالىعىنا حابارلاسىپ (تەل. 574-777), وپەراتورعا ءوزىڭىزدىڭ جسن ايتىڭىز. وپەراتور ءسىزدىڭ مالىمەتتەرىڭىزدى ۆاتەو بار-جوعىن تەكسەرەدى.
ەگەر مالىمەتىڭىز بازادا بار بولسا, ءسىز كارتانى الۋدىڭ ەكى ءتۇرلى ادىسىنە ءوتىنىش بەرە الاسىز.
1 نۇسقا: www.alrt.kz نەمەسە www.transcard.kz سايتىنا ونلاين-ءوتىنىش قالدىرىڭىز. 5 جۇمىس كۇنى ىشىندە سىزگە ەلەكتروندى پوشتاڭىزعا ءوتىنىشتىڭ ستاتۋسى تۋرالى حابارلاما كەلىپ تۇسەدى. دايىن بولعان جەڭىلدىك كارتاسىن الۋ ءۇشىن ورتالىق كاسساعا بارۋىڭىز قاجەت.
2 نۇسقا: ورتالىق كاسساعا تىكەلەي بارىڭىز جانە انكەتانى تولتىرىڭىز. وزىڭىزبەن بىرگە جەكە تولقۇجاتىڭىزدى جانە زەينەتكەرلىك قۇجاتىڭىزدى الا باراسىز. ورتالىق كاسسانىڭ مەكەن-جايى: قاجىمۇقان ك, 14 ءۇي. كاسسانىڭ جۇمىس ۋاقىتى: دس-جم ساعات 9.00-دەن 18.00 ءۇزىلىسسىز.
جەڭىلدىك ترانسپورت كارتاسى جەكە اتىڭىزدا بولادى جانە ەكىنشى تۇلعاعا پايدالانۋعا بەرىلمەيدى. جەڭىلدىك ترانسپورت كارتاسى قالالىق جانە ەكسپرەسس باعىتتاعى مارشرۋتتار ءۇشىن تولتىرۋدى قاجەت ەتپەيدى جانە ءجۇرۋ سانى بويىنشا شەكتەۋ جوق. جەڭىلدىك ساناتى بار ازاماتتار تەگىن جۇرگەنىنە قاراماستان, كارتالارىندا جول ءجۇرۋ بولماسا دا ولار اۆتوبۋستىڭ سالونىنا كىرگەن كەزدە ترانسپورت كارتاسىن ۆاليداتورعا جاقىنداتىپ, تىركەتۋى ءتيىس.
قانشا جول جۇرگەنىڭىزدى مىندەتتى تىركەۋدىڭ قاجەتتىلىگى مىنادا:
1. سۋبسيديانى دۇرىس ەسەپتەۋ ءۇشىن. قالا اكىمدىگى جەڭىلدىك ساناتىنداعى ازاماتتاردى تاسىمالدايتىن (اۆتوپاركتەر) تاسىمالداۋشىلاردىڭ شىعىنىن ءىشىنارا وتەيدى. ەجتج جانە ۆاليداتورلاردىڭ ارقاسىندا قانشا جولاۋشى تاسىمالداعانى نەمەسە باسقا اۆتوپاركتەردىڭ تاسىمالداعانى تۋرالى ناقتى ەسەپ قولجەتىمدى بولادى. بۇل اكىمدىكتىڭ اۆتوپاركتەرگە اۋدارىلاتىن قارجىنى جول جۇرۋشىلەردىڭ سانىنا قاراپ ناقتى ەسەپتەپ شىعۋعا مۇمكىندىك بەرەدى.
2. مىندەتتى ۆاليداتسيا جولاۋشىلار اعىمىنا تالداۋ جاساۋعا ناقتى كومەك بەرەدى. وسى تالداۋدىڭ نەگىزىندە مارشرۋتتاردىڭ جەلىسى جاقسارۋدا: جاڭا باعىتتار قوسىلىپ, وزگەرۋدە, سۇرانىسى كوپ باعىتتاردىڭ جۇكتەمەسىنە باعىتتالعان ءجۇمىستار جۇرگىزىلۋدە.
