وسى جىلدىڭ العاشقى التى ايىندا «قازاقمىس كورپوراتسياسى» جشس كەن ءوندىرۋ وندىرىستىك جوسپارىن ورىنداپ, بارلىعى 14 ميلليون 507 مىڭ توننا كەن ءوندىردى.
كەندى قايتا وڭدەۋ جوسپارى 92,8 مىڭ تونناعا ارتىعىمەن ورىندالدى. قايتا وڭدەۋدىڭ جالپى كولەمى 15 ميلليون 51مىڭ توننانى قۇرايدى. قايتا وڭدەلگەن كەندەگى مىستىڭ ورتاشا قۇرامى – 0,93%.
شىعارىلعان تازا مىستىڭ كولەمى 104 116 تونناعا جەتىپ, جوسپارداعى كورسەتكىشتەن 7 027 تونناعا ارتتى. كونتسەنتراتتاعى مىس 123 056 توننانى قۇرادى, جوسپاردان 4 261 تونناعا ارتىعىمەن ورىندالعان.
– جىل اياعىندا جمز-نىڭ ەكىنشى پەشىن ىسكە قوسۋدى جوسپارلاپ وتىرمىز, وسىلايشا جەزقازعان مىس بالقىتۋ زاۋىتى ءجۇز پايىزدىق قۋاتپەن جۇمىس ىستەيتىن بولادى. ال, «Kazakhmys Energy» بارلىق جوسپارلانعان كۇردەلى جوندەۋ جانە تۋربواگرەگاتتاردى ىسكە قوسۋ جۇمىستارىن قاتاڭ جوسپار بويىنشا جۇزەگە اسىرۋدا. جىل سوڭىنا دەيىن جەزقازعان جەو-داعى قوسىمشا اگرەگاتتى ىسكە قوسىپ, توپار جەو جاڭعىرتۋدى تولىعىمەن اياقتايمىز, – دەيدى «قازاقمىس كورپوراتسياسى» جشس باسقارۋشى كەڭەسىنىڭ باس ديرەكتورى باقتيار قىرىقپىشەۆ قازاقستان ءباسپسوز كلۋبى تاراتقان حاباردا.
ايناش ەسالي,
«ەگەمەن قازاقستان»
