شاراعا «قازاقستان» تەلەراديوكورپوراتسياسىنىڭ باسقارما توراعاسى ەرلان قارين مەن «Qazsport» تەلەارناسىنىڭ ديرەكتورى پاۆەل تسىبۋلين قاتىستى.
«فۋتبولدان الەم چەمپيوناتى بۇل بارلىق فۋتبولسۇيەر قاۋىم ءۇشىن سپورت الەمىندەگى ماڭىزدى دا, قۋانىشتى وقيعالاردىڭ ءبىرى. وزدەرىڭىز بىلەتىندەي «Qazaqstan» جانە «Qazsport» تەلەارنالارى فۋتبول ويىندارىنىڭ بارلىق 64 ماتچىن تولىعىمەن تىكەلەي ەفيردە كورسەتتى. رەسەيدەگى FIFA 2018 فۋتبولدان الەم چەمپيوناتىنىڭ كورسەتكىشى 2014 جىلعى الەم چەمپيوناتىنا قاراعاندا 16%-عا ارتتى», دەيدى ەرلان قارين.
«Qazaqstan» تەلەارناسىندا ەڭ كوپ كورىلگەن ماتچ – رەسەي مەن ەگيپەت كوماندالارى اراسىنداعى ويىن, ۇلەسى 47,4%. ال كورسەتكىشى 6,97 پايىزدى قۇرادى. Cونداي-اق, «Qasport» تەلەارناسىندا كورسەتىلگەن رەسەي مەن حورۆاتيا كوماندالارىنىڭ ويىنى ۇزدىكتەر قاتارىنا كىرىپ, 44.3% ۇلەسىمەن 7.32% رەيتينگتىك كورسەتكىشكە جەتتى. ال ەڭ تومەنگى رەيتينگ «شۆەيتساريا – كوستا-ريكا» اراسىنداعى ماتچ بولدى, ۇلەسى 5,3% قۇراسا, رەيتينگىسى 0,58% عانا بولدى.
سونىمەن قاتار, ءاربىر ماتچتىڭ ورتاشا اۋديتورياسى شامامەن جارتى ميلليونعا جۋىق كورەرمەندى جينادى. سونىڭ ىشىندە كورسەتىلىم جاعىنان ەڭ جوعارعى كورسەتكىشكە يە بولعان رەسەي – حورۆاتيا ويىنى بولدى, LIVE رەجىمىندە 339 455 ادام تاماشالادى. ال رەسەي – ساۋد ارابياسى ويىنىن بار-جوعى 16 819 ادام كورگەن بولىپ شىقتى. سونداي-اق, كورەرمەندەرىمىز فۋتبولدى «Qazaqstan TV» قوسىمشاسىنان كورۋ مۇمكىندىگىنە يە بولدى, قازىرگى ساتتە بۇل قوسىمشانى 263 511 رەت جۇكتەگەن.
ايتا كەتەيىك, تاعى ءبىر جاقسى جاڭالىعىمىز – 2022 جىلى قاتاردا وتەتىن فۋتبولدان الەم چەمپيوناتىن ترانسلياتسيالاۋ قۇقىعىنا يە بولدىق
ەستەرىڭىزگە سالا كەتەيىك, 14 ماۋسىم – 15 شىلدە ارالىعىندا رەسەيدە فيفا-2018 فۋتبولدان الەم بىرىنشىلىگى وتكەن بولاتىن. بۇل جارىسقا الەمنىڭ ەڭ تاڭداۋلى 32 ۇلتتىق قۇراما قاتىستى. رەسەيدە وتكەن فۋتبولدان الەم چەمپيوناتىنىڭ قازاقستان رەسپۋبليكاسىنىڭ اۋماعىنداعى رەسمي حابار تاراتۋشىلارى - «QAZAQSTAN» جانە «QAZSPORT» تەلەارنالارى.
«فۋتبولدان الەم چەمپيوناتىن تىكەلەي ەفيردەگى كورسەتىلىمىن جوعارى دەڭگەيدە وتكىزدىك دەپ ويلايمىن, سەبەبى جاقسى پىكىرلەر ايتىلىپ جاتتى.
سونىمەن قاتار, 7 شىلدەدە «Qazsport» تەلەارناسى ورتاشا تاۋلىكتىك ۇلەسى جاعىنان 18,3 پايىزدى كورسەتىپ ءابسوليۋتتى رەكورد ورناتتى. ارنانىڭ رەيتينگى 1,6%-دى قۇرادى. ال رەسەي – حورۆاتيا ماتچىندا بارلىق 6+ اۋديتورياسىمەن 1 018 910 كورەرمەن جيناپ رەكورد ورناتىلدى. كورەرمەندەرىمىز تاماشا ويىنداردىڭ كۋاسى بولدى, ءبىزدىڭ كوممەنتاتورلارىمىز بارىنشا اتسالىستى. تۇراقتى كوممەنتاتورلاردان بولەك ەسەي جەڭىس ۇلى, ەرمۇحامەد ماۋلەن, سەرگەي رايليان جانە باسقالارى ارنايى شاقىرىلدى. سونداي-اق, كەيبىر ماتچتاردى وقيعا الاڭىنان تىكەلەي جەتكىزۋ ءۇشىن رۋسلان باقىتجان مەن تيمۋر سۇلەيمەنوۆ سىندى بىلىكتى ماماندار بولدى
سوندىقتان, وسى شارانى قورىتىندىلاي كەلە ەڭ ۇزدىك كوممەنتاتوردى انىقتاۋ ءۇشىن بايقاۋ جاريالاۋدى ۇيعاردىق. بايقاۋ الەۋمەتتىك جەلىلەردە كورپوراتسيامىزدىڭ بارلىق اككاۋنتتارىندا جاريالانعان بولاتىن. 14 كوممەنتاتوردىڭ اراسىنان ەرمۇحاممەد ماۋلەن مەن ەسەي جەڭىس ۇلى, سەرگەي رايليان جانە تيمۋر سۇلەيمەنوۆ ەڭ كوپ داۋىس جيناپ, ۇزدىك كوممەنتاتور اتاندى.
سونداي-اق, «قازاقستان» تەلەراديوكورپوراتسياسىنىڭ اتىنا ساپالى جۇمىسى ءۇشىن فيفا-دان العىس حات جىبەرىلدى. بۇل ءتۋرنيردى ويداعىداي وتكىزۋىمىزدىڭ ءبىر سەبەبى قىزمەتكەرلەردىڭ جۇمىلا جۇمىس ىستەۋىنىڭ ارقاسىندا. بارلىقتارىڭىزعا العىسىمدى بىلدىرەمىن!» دەدى «Qazsport» تەلەارناسىنىڭ ديرەكتورى پاۆەل تسىبۋلين.
