اشىلۋ راسىمىندە ءسوز العان قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى باسشىسىنىڭ ورىنباسارى قايرات بايگەباەۆ ءوز سوزىندە جەمقورلىقتى ازايتپايىنشا, ەلدىڭ الەۋمەتتىك-ەكونوميكالىق ىلگەرىلەۋى ەكىتالاي ەكەنىن جەتكىزدى.
مەريتوكراتيا دەگەنىمىز نە, مەملەكەتتىك قىزمەتشىنىڭ ادەبى جانە مىنەز-ق ۇلىق نورمالارى, مەملەكەت تاراپىنان كورسەتىلەتىن قىزمەتتەر, سىبايلاس جەمقورلىقتىڭ الدىن الۋعا قاتىستى ساۋالدارعا جاستار جارىسا جاۋاپ بەردى.
ينتەلەكتۋالدى سايىس 3 كەزەڭدى قامتىدى. الدىمەن سۇراق-جاۋاپ كەزەڭى, ودان كەيىن «كاپيتاندار سايىسى» بولسا, ءۇشىنشى كەزەڭ «سۋرەتتەر سويلەيدى» دەپ اتالادى. العاشقى كەزەڭدە تاريحي تانىم, ەنتسيكلوپەديالىق ءبىلىم مەن مەملەكەتتىك قىزمەتكە قاتىستى سۇراقتار كەلدى. ەكىنشى كەزەڭدە كوماندا كاپيتاندارى ورتاعا شىعىپ ءوز بىلىكتىلىكتەرىن پاش ەتسە, ءۇشىنشى كەزەڭدە ءتۇرلى لوگيكالىق سۋرەتتەر كورسەتىلىپ ونىڭ ءمان-مازمۇنى ايتىلدى.
جاستار اراسىندا تۇڭعىش رەت وتكىزىلىپ وتىرعان سايىس الداعى ۋاقىتتا ءداستۇرلى تۇردە ۇيىمداستىرىلىپ تۇرماق.
گۇلايىم شىنتەمىرقىزى,
«ەگەمەن قازاقستان»
