تاراپتار تامىز ايىندا وتەتىن كاسپي ماڭى مەملەكەتتەرى ءسامميتىنىڭ ماڭىزدىلىعىنا توقتالىپ, حالىقارالىق جيىن ەكى ەل اراسىنداعى بايلانىستى ودان ءارى كۇشەيتە تۇسەتىنىن اتاپ ءوتتى. كەزدەسۋ بارىسىندا ءوڭىر باسشىسى ە.توعجانوۆ الداعى سامميت اياسىندا قازاقستان مەن تۇركىمەنستان ءۇشىن ماڭىزدى ءۇش ماسەلەنى كوتەردى. اتاپ ايتساق, كولىك ءدالىزى, اۋە قاتىناسى جانە قازاقستان مەن تۇرىكمەنستان اراسىنداعى ۆيزالىق ماسەلەلەردى تالقىلاۋدى ۇسىندى. تۇرىكمەنساندىق ديپلوماتتار الداعى سامميت حالىقارالىق بايلانىستاردى دامىتۋعا سەرپىن بەرەتىنىن ءارى بىرلەسكەن جوبالاردىڭ جۇزەگە اسۋىنا مۇمكىندىك بەرەتىنىن ايتتى.
-تۇرىكمەنستان پرەزيدەنتىنىڭ باستاماسى بويىنشا ساۋدا-ەكونوميكالىق قاتىناستار مەن كاسپي ەلدەرى اراسىنداعى كولىكتىك ىنتىماقتاستىق تۋرالى قۇجاتتار ازىرلەنۋدە. الداعى سامميتتە اتالعان جوبا بويىنشا ناقتى شەشىم قابىلداتانىنا سەنىمىز مول. قازاقستان قابىلداۋشى ەل رەتىندە وسى ماڭىزدى شارانى جوعارى دەڭگەيدە وتكىزۋدە ساتتىلىك تىلەيمىن, دەدى تۇرىكمەنستاننىڭ توتەنشە جانە وكىلەتتى ەلشىسى تويلى كومەكوۆ.
گۇلايىم شىنتەمىرقىزى,
«ەگەمەن قازاقستان»
