– ەلباسى ايتىپ وتكەندەي, بۇگىنگى تاڭدا ەل باسەكەگە قابىلەتتى بولۋ ءۇشىن پايدالى قازبالار جەتكىلىكسىز, ول ءۇشىن مەملەكەت, اسىرەسە تسيفرلى تەحنولوگيالار سالاسىندا الدىڭعى قاتاردا بولۋى كەرەك. ءبىز «سامۇرىق-قازىنا» اق كومپانيالار توبى رەتىندە تسيفرلى تەحنولوگيالاردى دامىتۋعا مۇددەلىمىز, دەدى ءا.پىرمەتوۆ.
باعدارلامانىڭ نەگىزگى ماقساتى – اقپاراتتىق تەحنولوگيالارعا قىزىعۋشىلىق بىلدىرگەن جانە دە قور كومپانيالارىندا اقپاراتتىق تەحنولوگيالاردىڭ دامۋىنا ۇلەس قوسۋعا نيەتتى مامانداردى انىقتاۋ.
ءۇش اپتا ىشىندە اتالعان باعدارلاما ۇلكەن سۇرانىسقا يە بولىپ, ءوتىنىم بەرگەندەردىڭ سانى 2100-گە جەتكەن جانە ولاردىڭ 500-ءى نەگىزگى IT ءبىلىمىن تەكسەرەتىن سىناقتان سۇرىنبەي وتسە, سونىڭ ىشىندە 72 جاس مامان تاعىلىمداماعا شاقىرىلاتىن بولىپ وتىر.
ايتا كەتەرلىگى, تاعىلىمداما 1 شىلدەدەن باستالىپ, 31 تامىزعا دەيىن استانا, الماتى, وسكەمەن, پاۆلودار جانە اتىراۋ قالالارىندا جالعاسادى. وعان قاتىسۋ ءۇشىن كاسىبي تاجىريبەنىڭ بولۋى مىندەتتى ەمەس. تەك اقپاراتتىق جۇيەلەر مەن ينفراقۇرىلىمدى اكىمشىلەندىرۋ, جوبالىق باسقارۋ, باعدارلامالاۋ, قوسىمشالار ارحيتەكتۋراسى, اقپاراتتىق قاۋىپسىزدىك قاعيدالارى سالاسىندا نەگىزگى ءبىلىمى بولسا جەتكىلىكتى.
وقىتۋ باعدارلاماسىن قور الەمدىك ءىت كوشباسشىلارىمەن بىرلەسە ازىرلەدى. تاعىلىمدامادان وتەتىن جاستارعا ءىت سالاسىنداعى ىقپالدى ءارى ءىرى SAP, Microsoft, Oracle, Cisco, HP, IBM, Huawei سىندى كومپانيالاردىڭ ونىمدەرىمەن بىرگە جۇمىس ىستەپ, تاجىريبە جيناقتاۋعا مۇمكىندىك مول.
باعدارلاما سوڭىندا العىرلىعىمەن كوزگە تۇسكەن تالىمگەرلەر «قازمۇنايگاز» ۇك» اق, «قازاتومونەركاسىپ» ۇاك» اق, «قازاقستان تەمىر جولى» ۇك» اق, «قازپوشتا» اق, «سامۇرىق-ەنەرگو» اق, «قازاقتەلەكوم» اق, «تاۋ-كەن سامۇرىق» اق, «كورەم» اق, «Qazaq Air» اق, «ەنەرگوينفورم» اق, «سامۇرىق-قازىنا كونتراكت» جشس جانە «بىرلەسكەن حيميالىق كومپانيا» جشس سىندى بەدەلدى كومپانيالارعا جۇمىسقا ورنالاسۋ مۇمكىندىگىنە يە بولادى.
ەركەجان ايتقازى,
«ەگەمەن قازاقستان»
