وعان دالەل رەتىندە اتالعان ۋنيۆەرسيتەتتە ۇلتتىق زەرتتەۋ ۋنيۆەرسيتەتى «جوعارى ەكونوميكا مەكتەبى» ءبىلىم بەرۋ ينستيتۋتىمەن بىرلەسكەن قازاقستان–رەسەي ءبىلىم سالاسىنداعى زەرتتەۋلەرگە ارنالعان سەمينارىن اتاپ وتۋگە بولادى.
سەميناردىڭ ماڭىزدىلىعىنا توقتالعان ۋنيۆەرسيتەت رەكتورى ت.بالىقباەۆ جوعارى وقۋ ورنىنىڭ ەلىمىزدىڭ ءبىلىم كەڭىستىگىندە الار ورنى, ماڭىزى تۋرالى كەڭىنەن بايانداي كەلە عىلىمدى دامىتۋ ماقساتىندا بيىلعى جىلى جاس عالىمدار اراسىندا جاريالانعان بايقاۋ قورىتىندىسىنا سايكەس 25 جوبانىڭ ىرىكتەلگەنىن اتاپ ءوتتى. بۇل ماقساتتاعى جوبالارعا ءۇش جىل ىشىندە بولىنەتىن قارجى سوماسى 100 ملن تەڭگەگە جۋىق. ياعني, كەلەسى جىلعى دامۋ ستراتەگياسىندا وقۋ ورنى زەرتتەۋ ۋنيۆەرسيتەتى رەتىندە قاراستىرىلاتىن بولادى.
سەمينار بارىسىندا ەكى نەگىزگى ماسەلە تالقىلاندى, بىرىنشىدەن, زەرتتەۋ ۋنيۆەرسيتەتىنىڭ دامۋ ستراتەگياسى بولسا, ەكىنشىسى, «جوعارى ەكونوميكا مەكتەبى» ءبىلىم بەرۋ ينستيتۋتىنىڭ عالىمدارى جاساعان زەرتتەۋلەر. ال الداعى ۋاقىتتا عىلىمي زەرتتەۋلەر, تاجىريبە الماسۋ, ت.ب. باعدارلامالار اياسىندا ىنتىماقتاستىققا قول جەتكىزىلەتىن بولادى.
ۇلتتىق زەرتتەۋ ۋنيۆەرسيتەتى «جوعارى ەكونوميكا مەكتەبى» ءبىلىم بەرۋ ينستيتۋتىنىڭ وكىلدەرى ي.فرۋمين, ۆ.بولوتوۆ, پ.سەرگومانوۆ, س. مالينوۆسكي جانە ە.كاردانوۆا جانە ت.ب. سەمينار بارىسىندا تسيفرلىق ترانسفورماتسيا, جوعارى ءبىلىم بەرۋدەگى تەڭسىزدىك جانە ءبىلىم بەرۋدە باعالاۋدىڭ زاماناۋي تاسىلدەرى - جاڭا قۇرالدار مەن تەحنولوگيالار تاقىرىپتارىندا بايانداما جاسادى. سونىمەن قاتار وزەكتى عىلىمي جوبالاردى جۇزەگە اسىرۋدىڭ مۇمكىندىكتەرى مەن كەلەشەگى تالقىلانىپ, تىڭ جوبالاردىڭ تانىستىرىلىمى ءوتتى.
ەلۆيرا سەرىكقىزى,
«ەگەمەن قازاقستان»
