كەزدەسۋ بارىسىندا اقپاراتتىق ىنتىماقتاستىق ءسوز بولىپ, باق باسشىلارى ارنايى ۇيىمداستىرىلعان ەكسكۋرسيانى تاماشالادى. سونداي-اق مۇرات مايكەەۆ بايلانىس جانە اقپارات قىزمەتكەرلەرى كۇنىمەن كاسىبي مەرەكەلەرىمەن قۇتتىقتادى.
ء«بىز اقپاراتتىق قوعامدا جاساپ جاتىرمىز. بۇگىنگى تاڭدا اقپارات جەكەلەگەن ادام ءۇشىن دە جالپى قوعام ءۇشىن دە ۇلكەن ءرول اتقارادى. جاڭا تەحنولوگيالار, جاھاندىق كوممۋنيكاتسيالىق جەلىلەر ادامنىڭ جانە قوعامدىق ءومىردىڭ بارلىق سالالارىن قامتيدى. بۇگىنگى قارۋلى كۇشتەردىڭ جاۋىنگەرلىك جانە كۇندەلىكتى ءىس-ارەكەتتەرىن ساپالى ۇيىمداستىرۋ جانە بۇقارالىق اقپارات قۇرالدارىندا جەدەل جاريالاۋ دا ەرەكشە ماڭىزعا يە. ويتكەنى ول اسكەري قىزمەتتىڭ ءرولىن ارتتىرا تۇسپەك», دەدى باق باسشىلارىن كاسىبي مەرەكەسىمەن قۇتتىقتاعان م.مايكەەۆ.
ايتا كەتەيىك, اقپاراتتىق ساياساتتى ءتيىمدى جۇزەگە اسىرۋ جانە قورعانىس مينيسترلىگىمەن جىلدام جانە ساپالى ىنتىماقتاستىق ورناتۋ ماقساتىندا مينيسترلىك جىل سايىن ەكسترەمالدى جۋرناليستيكا بويىنشا «اسكەري ديسكۋرس», رەسپۋبليكالىق «اسكەر مەدياسى» ءباسپاسوز فەستيۆالى, ءباسپاسوز-تۋرلار جانە باسقا دا ءىس-شارالار وتكىزىپ كەلەدى.
