ءىس-شاراعا «اتامەكەن» ۇلتتىق كاسىپكەرلەر پالاتاسى تورالقا توراعاسى تيمۋر ق ۇلىباەۆ, «اتامەكەن» ۇلتتىق كاسىپكەرلەر پالاتاسى ىسكەر ايەلدەر كەڭەسىنىڭ ءتورايىمى ءلاززات رامازانوۆا قاتىستى.
جيىندا ءسوز سويلەگەن ت.ق ۇلىباەۆ ايەلدەردىڭ مەملەكەت دامۋىنا قوسقان ۇلەسىن, سونىمەن قاتار كووپەراتسيا قۇرۋدىڭ ماڭىزدىلىعىن اتاپ ءوتتى.
«جاپپاي كاسىپكەرلىكتى دامىتۋ مەن الەۋمەتتىك ينتەگراتسياعا مۋلتيپليكاتيۆتىك اسەر ەتە وتىرىپ ءار كووپەراتسيا جانىندا بيزنەس ەكوجۇيە قالىپتاستى. وسى باستاماعا ءبىزدىڭ كاسىپكەر ايەلدەر – ىسكەر ايەلدەر كەڭەسىنىڭ مۇشەلەرى بەلسەندى قولداۋ ءبىلدىردى. قازىرگى تاڭدا ەلىمىزدەگى شاعىن جانە ورتا بيزنەس كومپانيالارىنىڭ 60 پايىزىنا جۋىعىن ايەلدەر باسقارادى ەكەن. بىزدە ايەلدەردىڭ كاسىپكەرلىكتەگى بەلسەندىلىگى جوعارى دەپ ايتۋعا تولىق نەگىز بار», دەدى ت.ق ۇلىباەۆ.
ءوز كەزەگىندە ل.رامازانوۆا ايەلدەر كاسىپكەرلىگى دامۋىنا ارنالعان بىرقاتار باعدارلامالاردىڭ ىسكە اسىرالاتىنى تۋرالى جەتكىزدى. سونىمەن قاتار ايەلدەر كاسىپكەرلىگىن قولداۋ قورىن قۇرۋ باستاماسى جايىندا حابارلادى.
«مۇنداي قوردى قۇرۋ شاعىن نەسيەلەۋ مەحانيزمى ارقىلى قارجى كوزدەرىنە قولجەتىمدىلىكتى ارتتىرادى. بۇعان قوسا قور ينۆەستيتسيالىق ءارى ءتيىمدى شەشىمدەر قابىلداناتىن, قاجەتتى وقۋ كۋرستارى مەن بيزنەستى سۇيەمەلدەۋ جۇرگىزىلەتىن ايەلدەر كەڭەسىنىڭ وي-تالقى ورتالىعىنا اينالماق», دەدى ل.رامازانوۆا.
كونگرەسس بارىسىندا قازاقستاننىڭ تۇكپىر-تۇكپىرىنەن كەلگەن ىسكەر ايەلدەر ءوز تاجىريبەلەرىمەن ءبولىسىپ, بىلگەندەرىن ورتاعا سالىپ, ءتۇرلى تاقىرىپتاردا بايانداما جاسادى.
كونگرەستىڭ قورىتىندىسى بويىنشا «اتامەكەن» ۇكپ جانە ERG ەۋرازيالىق توبى ءوزارا تۇسىنىستىك پەن ايەل كاسىپكەرلىگىن دامىتۋ مەن قولداۋ ماسەلەلەرى بويىنشا ارىپتeستىك جونىندەگى مەموراندۋمعا قول قويدى. اتالعان قۇجاتقا سايكەس, ەۋرازيالىق توپ «اتامەكەنگە» قايتارىمسىز نەگىزدە قارجىلىق قولداۋ كورسەتەدى.
اباي اسانكەلدى ۇلى,
«ەگەمەن قازاقستان»
