كەزدەسۋ بارىسىندا قازاقستاننىڭ ينۆەستيتسيالىق احۋالىن ودان ءارى جاقسارتۋدىڭ نەگىزگى باعىتتارى تالقىلاندى. اتاپ ايتقاندا, الداعى بەس جىلعا ارنالعان سەرىكتەستىك ستراتەگياسىن دامىتۋ, قازاقستاننىڭ ەكسپورتتىق الەۋەتىن كەڭەيتۋ, بيزنەس احۋالىن جانە مەملەكەتتىك ينستيتۋتتاردى نىعايتۋ, سونداي-اق ادام كاپيتالىن ايتارلىقتاي كۇشەيتۋ ماسەلەلەرى قارالدى.
ىنتىماقتاستىق ورناعان ۋاقىتتان بەرى دۇنيەجۇزىلىك بانك قر-عا 46 جوبانى قارجىلاندىرۋ ءۇشىن $8,1 ملرد-تان استام قارىز بەرگەن. بۇگىنگى تاڭدا دۇنيەجۇزىلىك بانكتىڭ جوبالار قورجىنى 22 جوبادان تۇرادى, ونىڭ ىشىندە 7 اعىمداعى جوبا جانە 15 جوبا جالپى $4,1 ملرد سوماسىنا سەرىكتەستىك تۋرالى كەلىسىمدەر اياسىندا ىسكە اسىرىلۋدا. اعىمداعى جوبالاردىڭ قورجىنى $3,2 ملرد سوماسىنا 7 جوبانى قامتيدى.
حالىقارالىق قارجى كورپوراتسياسىنىڭ قازاقستانداعى ستراتەگياسى ينفراقۇرىلىمعا قولجەتىمدىلىكتى ارتتىرۋعا, قارجى سەكتورىن نىعايتۋعا جانە ەكونوميكانى ارتاراپتاندىرۋعا جانە باسەكەگە قابىلەتتىلىكتى ارتتىرۋعا قولداۋ كورسەتۋگە باعىتتالعان. 1997 جىلدان بەرى كورپوراتسيا قر ەكونوميكاسىنا $1,4 ملرد استام ينۆەستيتسيا سالدى, سونىڭ ىشىندە قارجى, گاز, تاۋ-كەن ونەركاسىبى, اۋىل شارۋاشىلىعى جانە ونەركاسىپ سالالارىندا جەكە سەكتوردىڭ 60 جوباسىن ىسكە اسىرۋعا قولداۋ كورسەتۋ ءۇشىن, بىرلەستىرىلگەن قارىزدار تۇرىندە $300 ملن ينۆەستيتسيا سالدى.
