جاسىراتىنى جوق, جوعارى وقۋ ورنىنىڭ ماتەريالدىق-تەحنيكالىق بازاسى كوپ جىلدار بويى جاڭارتىلماي كەلگەن. جاتاقحانالار ابدەن ەسكىرگەن. وقۋ اقىسىنىڭ قىمباتتىعىنان ستۋدەنتتەر سانى ازايىپ كەتكەن.
«مەكتەپ تۇلەكتەرىمەن جاعىمدى جاڭالىقتى بولىسكىم كەلەدى.جوعارى وقۋ ورنى جانىنان زاماناۋي كورپۋس تۇرعىزىلاتىن بولادى. سونىمەن قاتار جاتاقحانا دا سالىنادى», دەدى ق. اقساقالوۆ.
بيىل م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنە 1000 گرانت بولىنەدى, بۇل بىلتىرعى جىلمەن سالىستىرعاندا 5 ەسە كوپ. «تەحنيكالىق عىلىم جانە تەحنولوگيا», «اۋىل شارۋاشىلىق عىلىمدارى», «الەۋمەتتىك عىلىمدار, ەكونوميكا جانە بيزنەس» سەكىلدى 29 جاڭا ماماندىق تۇرلەرى وقىتىلماق. جالپى مەديتسينا, فارماتسيا ماماندىقتارىن اشۋعا ليتسەنزيا بەرىلىپتى. ينتەرناتۋرا اشۋ دا جوسپارلانعان.
قازىر مۇندا 5,5 مىڭ ستۋدەنت ءبىلىم الادى. كەلەسى جىلى ستۋدەنتتەردىڭ سانىن 7 مىڭعا دەيىن ۇلعايتۋ كوزدەلگەن.
ءومىر ەسقالي,
«ەگەمەن قازاقستان».
