اتالمىش كونفەرەنتسيا بيزنەستىڭ اۋقىمىن كەڭەيتۋ ءۇشىن ىسكەرلىك ماشىقتى جەتىلدىرۋگە جانە قارجىلاي قولداۋعا مۇقتاج بيزنەسپەن اينالىسىپ جۇرگەن قىز-كەلىنشەكتەرگە, اتقارۋشى ديرەكتورلارعا, ەكى جىلدان بەرى ءوز ءىسىن تۇراقتى دامىتىپ جاتقان شاعىن جانە ورتا بيزنەس وكىلدەرىنە ارنالعان.
«بيزنەستەگى ايەلدەر» باعدارلاماسى ەۋروپالىق قايتا قۇرۋ جانە دامىتۋ بانكىنىڭ جانە دە قر ۇكىمەتى قارجىلاندىرۋىمەن 2015 جىلدان باستاپ قازاقستاندا قىزمەت ەتىپ كەلەدى.
WECON كونفەرەنتسياسى – ايەلدەردىڭ جاسىنا قاراماي, بارلىق ەكونوميكالىق مۇمكىندىكتەرىن اشۋعا, بيزنەس بارىسىنداعى قاجەتتى ءبىلىم مەن داعدىلاردى دامىتۋعا, كاسىپكەرلىكتىڭ اۋقىمىنا قاراماستان وعان قولداۋ كورسەتۋدى كوزدەيدى.
سونىمەن قاراعاندى, شىمكەنت, وسكەمەن, اقتوبە, اتىراۋ جانە قوستاناي سىندى قازاقستاننىڭ ەڭ ءىرى قالالارىندا وتكەن بۇل ءىس-شاراعا بيىل 300-دەن اسا ادام قاتىستى.
كونفەرەنتسيا قاتىسۋشىلارى "بيزنەستى كوپ تابىس كوزىنە اينالدىراتىنداي قالاي دامىتۋ قاجەت؟", "جەتەكشى بيزنەس-كەڭەسشىلەردى جانە تاجىريبەلى تالىمگەرلەردى قايدان تابۋعا بولادى؟" دەگەن ساۋالدار توڭىرەگىندە ماشىقتاندى.
سونداي-اق, ىسكەر قىز-كەلىنشەكتەر ساباقتاس سالالارداعى مۇددەلەس ارىپتەستەرىمەن تانىسىپ, تاجىريبە الماسىپ, تابىستى ايەلدەردىڭ مىسالىن ەستىپ, شابىت الدى.
الماتىدا وتكەن ءباسپاسوز ماجىلىسىندە كونفەرەنتسيانىڭ قورىتىندىسىن شىعارامىز. ءماجىلىس اياسىندا كاسىپكەر ايەلدەر اراسىنداعى وتاندىق بيزنەس-يندۋستريانىڭ جاعدايى, ەلىمىزدىڭ ءتۇرلى وڭىرلەرىندەگى كاسىپكەرلىكتىڭ ەرەكشەلىكتەرى تالقىلانىپ, شاعىن جانە ورتا بيزنەستى قولداۋعا ارنالعان تاسىلدەرگە شولۋ جاسالدى.
ايناش ەسالي,
«ەگەمەن قازاقستان»
