فورۋمنىڭ ۇيىمداستىرۋشىلارى الماتى قالاسى اكىمى اپپاراتىنىڭ «قوعامدىق كەلىسىم» كمم جانە الماتى قالاسى ەتنومادەني بىرلەستىكتەر جانىنداعى جاستار قاناتى بولىپ تابىلادى.
فورۋمدا «بولاشاققا باعدار: رۋحاني جاڭعارۋ» باعدارلامالىق ماقالاسى اياسىندا ساندىق جۋرناليستيكانىڭ مۇمكىندىكتەرى تالقىلاندى. فورۋمدى اشقان «قازاقستان ۇيعىر جاستار وداعىنىڭ» توراعاسى, قحا مۇشەسى ر.ا.كايرىەۆ جاڭا تەحنولوگيالار كەزەڭىنىڭ مۇمكىندىكتەرى تۇرعىسىندا بىرقاتار مىسالداردى ورتاعا سالدى. ساندىق جۇيەگە كوشۋدە جاستاردىڭ ۇلەسى زور, دەپ اتاپ كورسەتتى. الماتى قالاسى قحا توراعاسىنىڭ ورىنباسارى ك.ۆمامسۋروۆ ەلىمىزدىڭ ساندىق جۇيەگە كوشۋدەگى جوبالارىندا جاستارعا ۇلكەن جاۋاپكەرشىلىك جۇكتەلەتىنىن ايتا كەلە, الدىڭعى بۋىن جاڭا تەحنولوگيالاردىڭ جەتىستىكتەرىن جاستاردان ۇيرەنەدى دەگەن پىكىرىن ءبىلدىردى.
ال ءال-فارابي اتىنداعى قازۇۋ يۋنەسكو, حالىقارالىق جۋرناليستيكا جانە قوعامدىق مەديا كافەدراسىنىڭ مەڭگەرۋشىسى, پروفەسسور ن.ت.شىڭعىسوۆا جۋرناليستيكانىڭ قوعامدى ساۋىقتىرۋداعى, ەلىمىزدىڭ بەدەلىن كوتەرۋدەگى ءرولىنىڭ جوعارى ەكەندىگىنە توقتالىپ, بۇگىنگى تاڭدا قاۋىپتى ماماندىقتار قاتارىنا ەنگەندىگى تۋرالى ايتا كەلە اقپاراتتىق قاۋىپسىزدىك, ءجۋرناليستىڭ قۇقىعى, ساندىق فورماتقا كوشۋدەگى جاڭا مۇمكىندىكتەرى تۋراسىندا ويىن ورتاعا سالدى.
ال دوستىق ءۇيىنىڭ ديرەكتورى ج.ك.شايمۇحانبەتوۆا قحا جاستار بەلسەندىلىگى تۋراسىندا ءسوز قوزعاپ, «جاراسىم جولى» جاستار قوزعالىسىنىڭ جۇمىسىنا توقتالىپ, ساندىق جۇيەگە كوشۋدەگى جاستاردىڭ باستامالارىنا ءسات-ساپار تىلەدى.
الماتى قالاسى بويىنشا «جاڭعىرۋ جولى» جاستار قوزعالىسىنىڭ توراعاسى, ساياساتكەر ي.ب.كۋراەۆ «مەملەكەتتى تسيفرلاندىرۋ: مۇمكىندىكتەرى مەن بولاشاعى» تاقىرىبىندا بايانداما جاساپ, قازاقستاندىق جاستار جاڭا زاماننىڭ ۇيلەستىرۋشىسى دەپ اتاپ كورسەتتى. ياعني, ساندىق جۇيەگە كوشۋدە ەلىمىزدىڭ الىس ايماقتارى مەن ورتالىقتارىن بايلانىستىرۋداعى نەگىزگى كوپىر بولىپ تابىلاتىن جاستار قاۋىمى جىلدام, زەرەك, قاعىلەزدىك باسىمدىقتارىنا يە بولۋ ارقىلى ەلىمىزدىڭ وسى باعىتتاعى ۇدەرىستەرىنىڭ بەلسەندى قاتىسۋشىلارى بولىپ تابىلاتىندىعىن جەتكىزدى.
قكحپ ۇيىمداستىرۋ پارتيا سەكتورىنىڭ مەڭگەرۋشىسى ا.س.اۋەلبەكوۆ «قازاقستان رەسپۋبليكاسىنداعى تسيفرلىق تەحنولوگيالاردىڭ دامۋى» تاقىرىبىنداعى بايانداماسىندا ەلەكتروندى ۇكىمەتتىڭ مۇمكىندىكتەرى, ساندىق جۇيەدەگى جاڭاشىلدىقتار تۋراسىندا دەرەكتەر كەلتىردى.
الماتى قالاسى اكىمى اپپاراتىنىڭ "قوعامدىق كەلىسىم" كمم ديرەكتورى ج.ش.مۇرىنوۆا «جاڭعىرۋ جولى», «جاراسىم» جاستار قوزعالىسىنىڭ كەز كەلگەن جوبالارىنا قولداۋ بىلدىرەتىندىگىن ايتىپ, جاستاردىڭ جاۋاپكەرشىلىگى جوعارى دەپ اتاپ كورسەتتى.
فورۋم اياسىندا ر.ا.كايرىەۆ جاس جۋرناليستەرگە ارنالعان «Zharasym magazine» جاڭا ەلەكتروندى جۋرنالىن تانىستىردى. ۇيىمداستىرۋشىلاردىڭ پىكىرىنشە, جاڭا جۋرنالدىڭ مۇمكىندىكتەرى زور. قازاق ءتىلىن مەڭگەرۋدە دە, لاتىن قارپىن يگەرۋدەگى دانەكەر باسىلىم بولىپ تابىلادى. جۋرنال پايدالانۋشىلارعا تەگىن ءارى قولجەتىمدى بولىپ تابىلادى. وسى تۇرعىدا پىكىر بىلدىرگەن قاتىسۋشىلار «Zharasym magazine» جۋرنالىندا قازاقستانداعى ەتنوس وكىلدەرى جاستارىنىڭ بەلسەندىلىگى تۋراسىندا جانە بارشامىزعا ورتاق قازاق ءتىلىن يگەرۋگە بايلانىستى ماقالالار وسى جۋرنالدا ءجيى جاريالانىپ تۇرۋى ءتيىس دەگەن پىكىرلەرىن ءبىلدىردى.
ەلۆيرا سەرىكقىزى,
«ەگەمەن قازاقستان»
الماتى
