باعدارلاماشى ەرنار شامباەۆ توعىزقۇمالاق ويىنىنىڭ «Android» جانە «Windows» وپەراتسيالىق جۇيەلەرىنە ارنالعان قوسىمشاسىن ازىرلەگەن. موبيلدىك قوسىمشا زياتكەرلىك ويىنداردىڭ اۋەسقويلارى اراسىندا قىسقا ۋاقىتتا تانىمال بولدى جانە كومپيۋتەرلىك باعدارلامالار اراسىندا وتەتىن الەم چەمپيوناتتارىندا 4 رەت جەڭىمپاز اتالعان. وسى ءموبيلدى قوسىمشانى ازىرلەۋ ءۇشىن ەرنار 10 جىل ۋاقىت جۇمساعان.
دۇنيەجۇزىلىك «توعىزقۇمالاق» فەدەراتسياسىنىڭ پرەزيدەنتى اليحان بايمەنوۆ: «توعىزقۇمالاق زياتكەرلىك ويىنى – جاستاردى تاربيەلەۋدىڭ ءتيىمدى قۇرالى, ول لوگيكالىق ويلاۋدى, جىگەر مەن تاباندىلىق سياقتى قاسيەتتەردى دامىتۋعا ىقپال ەتەدى. ءبىزدىڭ ءداستۇرلى ويىنىمىز قازىرگى زاماننىڭ تالاپىنا ساي بولىپ, جاستاردىڭ بۇگىنگى قاجەتتىلىكتەرىن قاناعاتتاندىراتىنىنا قۋانىشتىمىن. كازىردىڭ وزىندە ءموبيلدى قوسىمشانى قولدانىپ, تۋرنيرلەر وتكىزىلۋدە. توعىزقۇمالاقتىڭ ءموبيلدى نۇسقاسى ويىنعا دەگەن قىزىعۋشىلىقتى ودان ءارى ارتتىراتىنىنا سەنىمدىمىن», - دەپ مالىمدەدى.
ەرنار شامباەۆ كومپيۋتەرلىك لينگۆيستيكانى شەتەلدە وقىعان. سونداي-اق, ول قازاق تىلىندەگى ماتىندەردى كيريلليتسادان جاڭا لاتىن گرافيكاسىنا اينالدىرۋعا مۇمكىندىك بەرەتىن «جاڭا قازاق» قوسىمشاسىنىڭ اۆتورى بولىپ تابىلادى.
توعىزقۇمالاق تەك قازاقستاندا عانا ەمەس, سونىمەن قاتار گەرمانيا, چەحيا, فرانتسيا, شۆەيتساريا جانە ءتىپتى كولۋمبيا سياقتى الەمنىڭ كوپتەگەن ەلدەرىندە دە تانىمال. قازاقستاندا توعىزقۇمالاقپەن ەكى ءجۇز مىڭنان استام ادام شۇعىلدانادى.
