قر تۇڭعىش پرەزيدەنتى قورى قازاقستاننىڭ بارلىق وڭىرلەرىندە جاستارمەن بەلسەندى جۇمىس اتقارادى. 2017 جىلدان باستاپ قوردىڭ وكىلدەرى ەلىمىزدىڭ بارلىق وڭىرلەرىنە بارىپ, ستۋدەنتتەردى قوردىڭ قىزمەتىمەن, جاستارعا ارنالعان جوبالارىمەن تانىستىرۋدا.
ءداستۇر بويىنشا ساپار جەرگىلىكتى اكىمدىكتىڭ باسشىلىعىمەن كەزدەسۋمەن باستالدى. تارازدا قر تۇڭعىش پرەزيدەنتى – ەلباسى قورى اتقارۋشى ديرەكتورىنىڭ ورىنباسارى سۇلتان ايتجانوۆ جامبىل وبلىسى اكىمىنىڭ ورىنباسارى ەرقانات مانجۋوۆپەن كەزدەستى. رەسمي كەزدەسۋدە جاستار ساياساتىن دامىتۋ ماسەلەسى, سونداي-اق مادەنيەت, عىلىم جانە الەۋمەتتىك سالالارداعى بىرلەسكەن جوبالار تالقىلاندى.
قر تۇڭعىش پرەزيدەنتى – ەلباسى قورى اتقارۋشى ديرەكتورىنىڭ ورىنباسارى سۇلتان ايتجانوۆ: «قر تۇڭعىش پرەزيدەنتى قورىنىڭ جوسپارىندا جاستاردى قولداۋعا, قازاقستاندىق كرەاتيۆتى جانە باسەكەگە قابىلەتتى عىلىمي قاۋىمداستىقتى قالىپتاستىرۋعا باعىتتالعان كوپتەگەن جوبالار بار, ونىڭ نەگىزىن بولاشاقتا ستۋدەنتتەر مەن جوعارى وقۋ ورىندارىنىڭ تۇلەكتەرى قۇرايدى. بۇل جوبالار پرەزيدەنتتىڭ جولداۋىندا قويىلعان مىندەتتەرگە سايكەس ازىرلەنىپ ىسكە اسىرىلادى».
اكىمدىكتىڭ وكىلدەرىمەن كەزدەسكەننەن كەيىن, قوردىڭ باسشىلىعى مەن ۇجىمى م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ (تارمۋ) عىلىمي جانە ستۋدەنتتىك اكتيۆىمەن كەزدەستى, وندا قوردىڭ جاستارعا ارنالعان جوبالارى تۋرالى اڭگىمەلە قوزعالدى. تارمۋ-دىڭ جاس عالىمدارى مەن ستۋدەنتتەرى قوردىڭ قىزمەتىمەن تانىس ەكەنى قۋانتادى. تارمۋ-دىڭ 30-عا جۋىق ستۋدەنتى قوردىڭ ءارتۇرلى جىلدارداعى ستيپەندياتتارى بولعان. بيىل قر تۇڭعىش پرەزيدەنتى قورىنىڭ وسىمەن ونىنشى رەت وتكىزىلىپ وتىرعان جاراتىلىستانۋ, تەحنيكالىق جانە گۋمانيتارلىق عىلىمدار بويىنشا "بولاشاق عالىمدار" اتتى ستۋدەنتتەردىڭ ۇزدىك عىلىمي جۇمىستارىنىڭ بايقاۋىنىڭ جەڭىمپازدارى بولىپ تارمۋ-دىڭ ەكى ستۋدەنتتىك كومانداسى اتاندى.
قر تۇڭعىش پرەزيدەنتى قورى جانىنداعى عىلىم بويىنشا كەڭەستىڭ مۇشەلەرىنەن تۇراتىن كونكۋرستىق كوميسسيانىڭ شەشىمىمەن تارمۋ ستۋدەنتتەرى ديامۋرشاەۆ يسلام, سامويلەنكو نيكيتا, تۇمان باعجان (مۇناي, گاز جانە مەحانيكا فاكۋلتەتى) «تاراز قالاسىنىڭ قيىلىسىنداعى ەكولوگيالىق پروبلەمالاردى شەشۋ» تاقىرىبىنداعى ەڭبەكتەرى, سونداي-اق مايروۆا جانەركە, انياربەكوۆا قىمباتتىڭ (تەحنولوگيالىق فاكۋلتەت) «ەمدىك قاسيەتتەرى بار تريكوتاج قۇرىلىمىن جاساۋ جانە زەرتتەۋ» تاقىرىبىنداعى ەڭبەكتەرى ۇزدىك دەپ تانىلدى.
تارمۋ-داعى كەزدەسۋ بارىسىندا سمارتفوندار مەن پلانشەتتەرگە ارنالعان لاتىن قارپى بار «Qazaq Latyn Keyboard» قازاق پەرنەتاقتاسى جوباسىنىڭ تۇساۋكەسەرى ءوتتى. سونىمەن قاتار قر تۇڭعىش پرەزيدەنتى – ەلباسى قورىنىڭ قولداۋىمەن ازىرلەنگەن قازاق ءتىلىن وقىتاتىن «Soyle.kz» ونلاين-كۋرسى, «كىم بىلگىر» ءموبيلدى ينتەللەكتۋالدىق ويىنى, «Abaialemi.kz» ونلايىن ەنتسيكلوپەدياسى, «Qazaqstan3D» ۆەب-سايتى جانە ءموبيلدى قوسىمشاسى, «جەتى قازىنا», «موي كازاحستان», « ۇلى تۇلعالار», «پرازدنيكي كازاحستانا» ءموبيلدى قوسىمشالارى تۋرالى ماعلۇمات بەرىلدى.
تارازدىق ستۋدەنتتەر قور وكىلدەرى مەن ارىپتەستەرىنىڭ شەبەرلىك ساباقتارىنا قاتىستى. قر تۇڭعىش پرەزيدەنتى – ەلباسى قورىنىڭ ءباسپاسوز قىزمەتىنىڭ باسشىسى اقەركە بەرلىباي "الەۋمەتتىك مەديا: SMM-ءنىڭ ۇزدىك تاجىريبەسى جانە تسيفرلانعان الەمدەگى PR» تاقىرىبىندا شەبەرلىك ساباعىن وتكىزدى.
قر تۇڭعىش پرەزيدەنتىنىڭ قورى ەلىمىزدىڭ دارىندى ستۋدەنتتەرىنە ۇزدىك ماماندار يندۋسترياسىنىڭ كاسىبي ءىت-وقىتۋ كۋرسىنان تەگىن ءبىلىم الۋعا جانە ءوز ستارتاپتارىن دۇنيەجۇزىلىك رىنوگقا شىعارۋعا مۇمكىندىك بەرەتىن «Smart Zholy» جانە «Method PRO» سياقتى جوبالاردى ىسكە اسىرۋدا.
بيىلعى جىلى قور «بلوكچەين» تسيفرلىق مارافونى جوباسىن ازىرلەدى. قور بلوكچەين, كريپتوۆاليۋتا, ماينينگ, ICO جانە باسقا دا زامانۋي IT-ترەندتەر بويىنشا تۇسىنىكتەمە جۇمىسىن جۇرگىزۋ ءۇشىن قوعامدىق الاڭدى قۇرۋدى جوسپارلاپ وتىر. جوبانىڭ ماقساتى - قوعامنىڭ ءبىلىمىن ارتتىرۋ, اسىرەسە جاستاردى زاماناۋي IT-تەحنولوگيالارعا باۋلۋ. وسىعان بايلانىستى وتاندىق «FinTech Group» كومپانياسىنىڭ وكىلدەرى ستۋدەنتتەرگە «بلوكچەين» تەحنولوگيالارى تۋرالى سەمينار وتكىزدى.
جامبىل وبلىسىنداعى قر تۇڭعىش پرەزيدەنتىنىڭ كۇندەرى "بالاساعۇن" ورتالىق كونتسەرت زالىندا قازاقستاننىڭ وپەرا جۇلدىزدارىنىڭ – قوردىڭ سىيلىعىنىڭ لاۋرەاتتارىنىڭ گالا كونتسەرتىمەن اياقتالادى. ازامات جىلتىركوزوۆ (باريتون), بيبىگۇل جانۇزاق (سوپرانو), مارات ءايتىمباي (باريتون), گاۋحار تاسبەرگەنوۆا (فورتەپيانو), ەرمەك قۇرماناەۆ (ۆيولونچەل), قالامقاس جۇماباەۆا (سكريپكا) سياقتى ونەر مايتالماندارى ءوز شەبەرلىگىن كورسەتەدى. كىرۋ تەگىن.
كونتسەرت استانانىڭ 20 جىلدىعىنا ارنالعان «استانا - ۇلى دالانىڭ جاۋھارى» اتتى فوتوكورمەسىمەن جالعاسادى. قر تۇڭعىش پرەزيدەنتى ۇيىمداستىرعان بۇل فوتوكورمە ماسكەۋ, سانكت-پەتەربۋرگ, مادريد, استانا جانە الماتى قالالارىندا ءوتتى. بولاشاقتا لوندون, بەرلين, بەيجىڭ جانە پاريجدە وتپەك.
جولدىباي بازار,
“ەگەمەن قازاقستان”
