وتىرىس بارىسىندا Kazakh Invest باسقارما توراعاسى ساپاربەك تۇياقباەۆ 2018 جىلعا ارنالعان جۇمىستىڭ ارالىق ناتيجەلەرى تۋرالى باياندادى.
جىل باسىنان بەرى 42 جاڭا شەتەلدىك ينۆەستورلارمەن $7,5 ملرد سوماسىنا جوبالار بويىنشا كەلىسىمگە قول جەتكىزىلدى. $1 ملرد سوماسىنا 18 جوبا بويىنشا قۇرىلىس-مونتاجداۋ جۇمىستارى باستالدى, ءىرى شەتەلدىك ينۆەستورلارمەن 4 جوبا بويىنشا قۇجاتتارعا قول قويىلدى. $7,1 ملرد سوماسىنا 15 جوبانى بەلسەندى جۇرگىزۋ جۇمىستارى باستالدى.
س. تۇياقباەۆ ۇلتتىق ينۆەستيتسيالىق ستراتەگياعا سايكەس بارلىق باسىمدىقتى ەلدەرمەن جۇمىس جاسالىپ, شەتەلدىك ينۆەستورلاردى ماقساتتى تۇردە باعىتتاۋ شارالارى جۇرگىزىلىپ جاتقانىن اتاپ ءوتتى. اتالعان جۇمىسقا قازاقستاننىڭ شەتەلدەگى ديپلوماتيالىق وكىلدىكتەرى بەلسەندى تۇردە ارالاسۋدا.
سونداي-اق, ديرەكتورلار كەڭەسىنىڭ وتىرىسىندا ۇلتتىق كومپانيانىڭ قىزمەتىن رەتتەيتىن بىرقاتار ىشكى قۇجاتتار, ونىڭ ىشىندە «Kazakh Invest» ۇك-نىڭ ون جىلدىق كەزەڭگە ارنالعان ستراتەگياسى ماقۇلداندى.
