وسى ورايدا, «ۇزدىك وبلىس ءھام اۋدان (قالا) مۋزەيى جانە قىزمەتكەرى» نوميناتسياسى بويىنشا 53, تاعى ءبىر اتالىم – «ۇزدىك وبلىس ءھام اۋدان (قالا) كىتاپحاناسى جانە قىزمەتكەرى» بويىنشا 61 ۇمىتكەر سايىسقا تۇسكەن ەدى.
كەشە ۇلتتىق مۋزەيدە جوعارىداعى مادەنيەت بايگەسىنەن ۇزدىك شىققانداردى ماراپاتتاۋ ءراسىمى ءوتتى. «ۇزدىك وبلىستىق مۋزەي» اتالىمىنا الماتى قالاسىنداعى ى.دۇكەن ۇلى اتىنداعى مۋزىكالىق اسپاپتار مۋزەيى مەن ماڭعىستاۋ وبلىستىق تاريحي-ولكەتانۋ مۋزەيى يە بولسا, ەكىنشى اتالىم «ۇزدىك اۋداندىق (قالالىق) مۋزەي» مارتەبەسىن باتىس قازاقستان وبلىسى, سىرىم اۋدانى, سىرىم دات ۇلى اتىنداعى تاريحي-ولكەتانۋ مۋزەيى جەڭىپ الدى.
ءۇشىنشى اتالىم «ۇزدىك وبلىستىق مۋزەي قىزمەتكەرى» اتاعىنا جامبىل وبلىستىق تاريحي-ولكەتانۋ مۋزەيىنىڭ قىزمەتكەرى جۇلدىز المانقۇلوۆا مەن قوستاناي وبلىستىق تاريحي-ولكەتانۋ مۋزەيىنىڭ قىزمەتكەرى ءنازيما وتاشەۆا لايىق دەپ تانىلسا, «ۇزدىك اۋداندىق (قالالىق) مۋزەي» اتاعى اقمولا وبلىسى ءىلياس ەسەنبەرلين اتىنداعى ادەبي مۋزەيگە بۇيىردى.
كەلەسى «ۇزدىك وبلىستىق كىتاپحانا» اتالىمىنا پۋشكين اتىنداعى شىعىس قازاقستان وبلىستىق كىتاپحاناسى, «ۇزدىك اۋداندىق (قالالىق) كىتاپحانا» مەرەيىنە پاۆلودار وبلىسى شارباقتى اۋدانىنىڭ ورتالىقتاندىرىلعان كىتاپحانالار جۇيەسى مەن اقتوبە وبلىسى ىرعىز اۋداندىق ورتالىقتاندىرىلعان كىتاپحانا جۇيەسى يە بولدى.
سوڭعى اتالىم «ۇزدىك اۋىلدىق كىتاپحانا» جۇلدەسىنە سولتۇستىك قازاقستان وبلىسى, م.جۇماباەۆ اۋدانى, قاراقوعا اۋىلدىق كىتاپحاناسى, «ۇزدىك وبلىستىق كىتاپحانا قىزمەتكەرى» اتاعىنا قاراعاندى وبلىستىق امبەباپ عىلىمي كىتاپحانا قىزمەتكەرى قايرات راحيم مەن استانا قالاسى ورتالىقتاندىرىلعان كىتاپحانالار جۇيەسىنىڭ قىزمەتكەرى ساۋلە راحمەتوۆا قول جەتكىزسە, «ۇزدىك اۋىلدىق كىتاپحانا قىزمەتكەرى» اتاعى وڭتۇستىك قازاقستان وبلىسى, تولە بي اۋداندىق قاينار اۋىلدىق كىتاپحانانىڭ كىتاپحاناشىسى نۇرجامال شاجالىقىزى مەن قىزىلوردا وبلىسى شيەلى اۋدانى ورتالىقتاندىرىلعان كىتاپحانا كىتاپحاناشىسى دۇيسەنكۇل شومانوۆاعا بۇيىردى.
بەكەن قايرات ۇلى,
«ەگەمەن قازاقستان
